گه‌ڕان

Shadow Shadow
سیاسه‌تی

داوایەک لە بایدن دەکات

ئیخوان موسلمین پیرۆزبای لە بایدن دەکات و هیوای ’’تەمەنێکی درێژی’’ بۆ دەخوازێت

2020.11.08 - 09:02
App store icon Play store icon Play store icon
ئیخوان موسلمین پیرۆزبای لە بایدن دەکات و هیوای ’’تەمەنێکی درێژی’’ بۆ دەخوازێت

ناس کورد-

کۆمەڵەی ئیخوان موسلمین پێشوازی لە بردنەوەی جۆ بایدن، کاندیدی دیموکراتەکانی کرد لە هەڵبژاردنەکانی سەرۆکایەتی ئەمەریکا و ڕایگەیاند، بردنەوەی بایدن لەو هەڵبژاردنەدا ئەوە ڕاستییە دەسەلمێنێت کە تائێستا گەلی ئەمەریکا توانای سەپاندنی بیروبۆچوونەکانی خۆی هەیە ودەتوانێت گۆڕانکاری بکات.

کەناڵی ناس کورد لە تێلیگرام جۆین بکە   

 

بەگوێرەی ڕاگەیاندراوێک کە لەلایەن ئیبراهیم مونیر، ڕابەری کۆمەڵەکەوە واژۆکراوە و ناس کورد بەدواداچوونی بۆ کردووە ( 8ی تشرینی دووەمی 2020) هاتوو: "کۆمەڵی ئیخوانن موسلمین ستایشی پرۆسەی هەڵبژاردنەکانی ئەمەریکا دەکات کە بوو بەهۆی ئەوەی جۆ بایدن، پۆستی سەرۆکایەتی ئەمەریکا بەدەست بهێنێت".

 

ڕاگەیەندراوەکە ئاماژەی بەوەشکردووە: "بردنەوەی بایدن ئەوە دەگەیەنێت کە تائێستا گەلی ئەمەریکا توانای سەپاندنی بیرۆبۆچوونەکانی خۆی هەیە ودەتوانێت گۆڕانکاری بکات".

 

کۆمەڵەکە "هیوای ژیانێکی شکۆمەند بۆ بایدن و گەلی ئەمەریکا" دەخوازێت "لەژێر سایەی پرنسیپەکانی ئازادی، دادپەروەری ودیموکراسی ورێزگرتن لە مافەکانی مرۆڤ".

 

داواشی لە ئیدارەی نوێی ئەمریکا کردووە پێداچوونەوە بە سیاسەتەکانی خۆی بکات لە پاڵپشتیکردنی دیکتاتۆرەکان لە جیهاندا و ڕایگەیاند: "ئەو سیاسەتانەی کە گەلەکان فەرامۆش دەکات و تەنها پەیوەندییەکانی لەگەڵ ڕژێمە سەپێنراوەکاندا دروست دەکات هەڵبژاردەیەکی باش نییە و مێژووش ئەولایەنە هەڵەیە سەرکۆنە دەکات".

 

شەوی ڕابردوو (7ی تشرینی دووەمی 2020) جۆبایدن، کاندیدی دیموکراتەکان بۆ هەڵبژاردنەکانی سەرۆکایەتی ئەمەریکا بردنەوەی خۆی لەو کێبڕکێیەدا ڕاگەیاند و بووە 46مین سەرۆکی ئەو وڵاتە، ئەوەش دوای ئەوەی کە توانی لەولایەتی پەنسیلڤانیا زۆرینەی دەنگەکان بەدەست بهێنێت کە یەکێکە لە ولایەتە یەکلاکەرەوەکان.