گه‌ڕان

Shadow Shadow
سیاسه‌تی

’’تەنها دژى پارتى نییە’’

هەڵوێستێکى نوێ لە پێشمەرگەوە لەبارەى پەکەکە

2020.11.07 - 14:07
App store icon Play store icon Play store icon
هەڵوێستێکى نوێ لە پێشمەرگەوە لەبارەى پەکەکە

ناس کورد-

بریكاری وه‌زاره‌تی پێشمه‌رگه‌ی حكومه‌تی هه‌رێمى کوردستان رایگەیاند، پەکەکە كار بۆ "تێكدانی" ئاسایشی هه‌رێم دەکات و هێرشەکانى تەنها لەدژى پارتى نییە.

کەناڵی ناس کورد لە تێلیگرام جۆین بکە   

 

بەپێی ماڵپەڕى فەرمى وەزارەتى پێشمەرگە، سەربەست لەزگین بریكاری وه‌زاره‌تی پێشمه‌رگه‌ ئاماژەى بەوەکردووە "هێرشه‌كانی په‌كه‌كه‌ بۆ سه‌ر پێشمه‌رگه‌ی كوردستان، سه‌لمێنه‌ری ئه‌و راستیه‌یه‌ كه‌ په‌كه‌كه‌ كار بۆ تێكدانی ئاسایشی هه‌رێمی كوردستان ده‌كات".

 

وتیشى، "ئه‌و هێرشانه‌ی چه‌كدارانی په‌كه‌كه‌ ده‌یكه‌ن له‌ دژی پارتی دیموكراتی كوردستان نییه‌، به‌ڵكو له‌ دژی هه‌موو ئه‌م ده‌ستكه‌وتانه‌ و خه‌بات و قوربانیدانی خه‌ڵكی هه‌رێمی كوردستانه‌".

 

(4ى تشرینى دووەمى 2020) لە ناحیەى چەمانکى گرژى سەربازى لەنێوان هێزەکانى پێشمەرگە و پەکەکە ڕویدا و تائێستاش هۆکار و ڕوداوەکانى ڕوون نین، هەردولاش یەکترى بە هەوڵدان بۆ دروستکردنى شەڕ و پێکدادانى سەربازى تۆمەتبار دەکەن.