گه‌ڕان

Shadow Shadow
سیاسه‌تی

پێشهاتی نوێ

’’پێشهاتی نوێ؛ قەدەغەى فڕین بەسەر ماڵى جۆ بایدن ڕاگەیەنرا’’

2020.11.06 - 23:27
App store icon Play store icon Play store icon
’’پێشهاتی نوێ؛ قەدەغەى فڕین بەسەر ماڵى جۆ بایدن ڕاگەیەنرا’’

ناس کورد-

تۆڕی هەواڵیی سی ئێن ئێنی ئەمەریکى ئاشکرایکرد، قەدەغەى فڕین لەو ناوچەیەى ماڵى جۆ بایدنی کاندیدى دیموکراتەکان بۆ پۆستى سەرۆکایەتى ئەمەریکا ڕاگەیەنراوە، ئەوەش وەکو ئامادەسازییەک بۆ پیشکەشکردنى وتارێک لەئەگەرى بردنەوەیدا.

کەناڵی ناس کورد لە تێلیگرام جۆین بکە   

 

سى ئێن ئێن لەهەواڵێکى دا کە ناس کورد بەدواداچوونى بۆ کردووە (5ى تشرینى دووەمى 2020) ئەوەى ئاشکرا کردووە، بەڕووبەرى  یەک میل ناوچەیەک لەشارى ویلمنگتۆنى سەر بەویلایەتى دیلاوێرى خۆرهەڵاتى ئەمەریکا کە ماڵى جۆبایدن دەکەوێتە ئەو ناوچەیەوە تا ڕۆژى چوارشەممەى داهاتوو قەدەغەى فڕینى تێدا ڕاگەیەنراوە.

 

لاى خۆشیەوە، دەزگاى فڕۆکەوانیى فیدراڵى ئەمەریکا (FAA) ڕایگەیاندووە، ئاسمانى ناوچەی ناوەندى (تشیس) بەمنزیکانە دادەخرێت، ئەوەش بەمەبەستى ئامادەکردن و دانانى مینبەر بۆ پیشکەشکردنى وتارى  جۆ بایدن ئەگەر هەڵبژاردنەکە بباتەوە.

 

ئاماژە بۆ ئەوەش کراوە، دەزگاى خزمەتگوزارى نهێنیى لەئەمەریکا کارمەندەکانى بۆ شارى  ویلمنگتۆنى سەر بەویلایەتى دیلاوێر ڕەوانە کردووە، ئەوەش بۆ ئامادەسازییەکان لە ئەگەری بردنەوەى بایدن دا و گرنگترین ئەرکى ئەو دەزگایەش پاراستنى سەرۆکى داهاتوو و جێگرەکەیەتى.