گه‌ڕان

Shadow Shadow
سیاسه‌تی

بایدن و ئێران و ترسێکی گەورە

’’ئەو وڵاتانەى لە بردنەوەى جۆ بایدن دا زەندەقییان لە ئێران چووە’’

2020.11.06 - 22:40
App store icon Play store icon Play store icon
’’ئەو وڵاتانەى لە بردنەوەى جۆ بایدن دا زەندەقییان لە ئێران چووە’’

ناس کورد- 

ڕۆژنامەیەکى ئیسرائیلى لەسەر زارى چەند بەرپرسێکى باڵاى ژمارەیەک لە وڵاتانى عەرەبیەوە بڵاویکردووەتەوە، ئەگەرى بردنەوەى بایدن ترسى لەلا دروستکردوون بەوەى ئەمەریکا ڕێککەوتنى ئەتۆمى لەگەڵ ئێران زیندوو بکاتەوە و سزاکانى سەری هەڵبگرێت و بەوەش ئەوان دەکەونە بەردەم مەترسی.

کەناڵی ناس کورد لە تێلیگرام جۆین بکە   

 

ڕۆژنامەى  (إسرائيل اليوم) لەسەر زارى چەند بەرپرسێکى باڵاى وڵاتانى عەرەبى کە یەکێک لەو وڵاتانە سعودییەیە و ناس کورد بەدواداچوونى بۆ کردووە (6ى تشرینى دووەمى 2020) بڵاویکردووەتەوە، ترسى بەرپرسانى عەرەب  لەبارەى وڵاتانى دەرەوە لەسیاسەتەکانى بایدن سەرچاوەى نەگرتووە، بەڵکو ترسى ئەوان لەو ڕاوێژکارانەى دەوروبەرێتى و بەشدارن لەدروستکردنى بڕیاردا.

 

بەرپرسێکى سعودییە بەڕۆژنامەکەى ڕاگەیاندووە، گومانێک لەسەر ئەوە هەیە ئەگەر بایدن سەربکەوێت ئەوا ڕێککەوتنێکى نوێی ئەتۆمى لەگەڵ ئێراندا ئەنجامبدات .

 

ڕونیشیکردووەتەوە، ئەگەر بایدن بەرەو ئێران هەنگاو بنێت ئەوا بەتەنها ئەوان و ئیسرائیل بۆ ڕووبەڕووبوونەوەى هەڕەشەکانى ئێران دەمێننەوە و ئەوکات هاوپەیمانیى نێوان ئیسرائیل و وڵاتانى عەرەبیش بەهێزدەبێت.

 

لاى خۆشیەوە بەرپرسێکى باڵاى ئیماراتیش بە ڕۆژنامەکەى وتووە، ئەو جۆرە سیناریۆیە دەرفەت بەئێران دەدات لەماوەیەکى کورتدا ببێتە خاوەن چەکى ئەتۆمى و تەواوى ناوچەکە بخاتە مەترسیەوە و بەردەوامبێت لە پاڵپشتیکردنى ڕێکخراوە توندڕەوەکان، بەوەش نەک تەنها ڕۆژهەڵات، بەڵکو هەڕەشە بێت بۆ هەموو جیهان.

 

هاوکات ڕۆژنامەکە لەسەر زارى دوو بەرپرسى وڵاتانى بەحرەین و میسرەوە بڵاویکردووەتەوە، بردنەوەى بایدن هاوپەیمانیى هەرێمایەتى لەگەڵ ئیسرائیلدا پەکدەخات و ترسیان لە زیندوو کردنەوەى ڕێککەوتنامە ئەتۆمیەکە هەیە، بەوەش وڵاتانى وەکو سودان و بەحرەین و ئیمارات متمانەى ئەمەریکا لەدەستبدەن.