گه‌ڕان

Shadow Shadow
سیاسه‌تی

تاوە بارانى بەخوڕ

كەش و هەوا: پێشبینى بارانی پەڵە دەکرێت

2020.11.06 - 11:23
App store icon Play store icon Play store icon
كەش و هەوا: پێشبینى بارانی پەڵە دەکرێت

ناس کورد-

 

کەشوهەواى گەرمیان پێشبینی شەپۆلى باران بارین و بارانى پەڵە دەکات لە بەشێک لە ناوچەکانى سنورەکە.

کەناڵی ناس کورد لە تێلیگرام جۆین بکە   

 

کەشوهەواى گەرمیان لە لاپەڕەى خۆى لە فەیسبوک کە ناس کورد دیویەتى نوسیویەتى  (6 تشرینی دووەمی 2020)، بەهۆی کاریگەری ناوچەیەکی پەستان نزمی چالاکی دەریای ناوەڕاست و تۆپەڵە هەوایەکی شێداری کەنداوی عەرەبی و دەریای سوور، پێشبینیی دەکرێت لە شەوی هەینی لەسەر شەممە و ڕۆژی شەممە و تا شەوی شەممە لەسەر یەکشەممە بارانبارینی ناوبەنا و هەورەبروسکه ناوچەکانی گەرمیان بگرێتەوە، هەندێك کات تاوە بارانەکان بەخوڕ دەبن و هەورە بروسکەی توندی لەگەڵ دەبێت بە زۆریش کاتەکانی بەرەبەیانی شەممە و هەندێك لەکاتەکانی ڕۆژی شەممە، لە دۆڵەکان و چەمەکان ئەگەری دروستبوونی لافاوی لەناکاو هەیە.

 

ئاماژەى بەوەشکردووە، بەرزاییەکانی باکووری ناحییەی ڕزگاری و سەرقەڵا و کفری و ناوچە سنورییەکانی خۆرهەڵاتی گەرمیان دەکەونە قوڵایی شەپۆلەکەوە، شەوی شەممە لەسەر یەکشەممە شەپۆلەکە کۆتایی دێت، بەڵام بەهۆی بەردەوامی کاریگەری هەوری ناوخۆییەوە لە چەند ناوچەیەکی جیاوازی گەرمیان بۆ ماوەیەکی کورتخایەن تاوە بارانەکان بەشێوەی لاواز و کاتی بەردەوام دەبن، لە درەنگانێکی ئێوارەی دووشەممە شەپۆلێکی تری بارانبارین ناوچەکانی گەرمیان دەگرێتەوه.

 

بەپێی کەشناسی، 60 % ئەگەری بارانی پەڵە هەیە لە ناوچەکانی باکووری گەرمیان و بەرزاییەکانی باکووری کفری و ناحییەی ڕزگاری و گوندەکانی ناوچە سنورییەکانی خۆرهەڵاتی گەرمیان.

 

پێشبینی بڕی بارانبارینی شەوی هەینی لەسەر شەممە و ڕۆژی شەممە له ناوچە جیاوازەکانی گەرمیان :

 

① ناوچەکانی باکووری گەرمیان :

بناری بەمۆ ، مەیدان ، شێخ تەویل ، دەربەندیخان ، سەنگاو ، چەمچەماڵ و قادرکەرەم :

( 25 - 35 ملم)

 

② ناوچەکانی ناوەڕاستی گەرمیان :

کەلار ، کفری ، ڕزگاری ، دوزخورماتوو ، سەرقەڵا ، پیازەجاڕ ، باوەنوور ، خان و قۆرەتوو :

( 30 - 40 ملم)

 

③ ناوچەکانی باشووری گەرمیان :

خانەقین ، جەلەولا ، سەعدییە ، قەرەتەپه ، جەبارە، زەنگاباد ، سلێمان بەگ و زنجیره چیای حەمرین :

( 20 - 25 ملم)