گه‌ڕان

Shadow Shadow
سیاسه‌تی

قۆناغى کۆتایی

دەنگەکانى چوار ویلایەت گڕ لە کێبڕکێی گەیشتن بە کۆشکى سپى بەردەدات

2020.11.06 - 08:43
دەنگەکانى چوار ویلایەت گڕ لە کێبڕکێی گەیشتن بە کۆشکى سپى بەردەدات

ناس کورد-

لەگەڵ نزیکبوونەوەی جیاکردنەوەى دەنگەکانى هەڵبژاردنەکانی سەرۆکایەتی ئەمریکا لە قۆناغى کۆتایی و یەکلاکەرەوەیی، تینی ململانێیەكان زیاتر گەرم بووە لەنێوان ترەمپ و بایدن لەچەند ویلایەتێك كە ئەنجامەكانیان یەكلاكەرەوەیە بۆ راگەیاندنی براوە.

 

لە ویلایەتی جۆرجیا، لەسەدا 99ی دەنگەكان جیاكراونەتەوە و بەگوێرەی ئامارەكان دۆناڵد ترەمپ بە هەزار و 805 دەنگ لەپێش جۆو بایدنەوەیە.

 

لە ویلایەتی پێنسیڵڤەنیاش دۆناڵد ترەمپ، پاڵێوراوی كۆمارییەكان دوای جیاکردنەوەی لە 96%ی دەنگەکان توانیویەتی بە 26 هەزار دەنگ لەپێش ڕکابەرەکەی جۆ بایدن، پاڵێوراوی دیموكراتەكانەوە بێت.

 

لەنیڤادا جۆ بایدن لە پێشەنگدایە بە زیاتر 11 هەزار دەنگ ئەوەش دوای جیاکردنەوەی لە 90%ی دەنگەکان، لە کارۆلاینای باکور ترەمپ لە ئێستادا و دوای جیاکردنەوەی لە 97%ی دەنگەکان لە پێشەنگدایە و توانیویەتی  نزیکەی 80 هەزار دەنگ بەدەست بهێنێت.

 

بەو جیاوازییە كەمەی نێوانیان، ململانێكان هێشتا بەردەوامە لەگەڵ پرۆسەی جیاكردنەوەی دەنگەكان، وێڕای گرژییەكانیش بەرپرسانی هەڵبژاردنەكان سورن لەسەر بەئەنجام گەیاندنی پرۆسەكە بە زوترین كات.