گه‌ڕان

Shadow Shadow
سیاسه‌تی

داوایەک لە ترەمپەوە

ترەمپ داواى وەستاندنى جیاکردنەوەى دەنگەکان دەکات

2020.11.05 - 17:52
App store icon Play store icon Play store icon
ترەمپ داواى وەستاندنى جیاکردنەوەى دەنگەکان دەکات

ناس کورد-

دۆناڵد ترەمپی سەرۆکى ئەمەریکا و کاندیدى کۆماریەکان بۆ هەڵبژاردنى سەرۆکایەتى داوا دەکات جیاکردنەوەى دەنگەکان بوەستێنرێن.

کەناڵی ناس کورد لە تێلیگرام جۆین بکە   

 

دۆناڵد ترەمپ (پێنجشەممە 5ى تشرینى دووەمى 2020) لە تویتێکدا داواى ڕاگرتنى جیاکردنەوەى دەنگەکانى کردوە و نوسیویەتى: "هەژمارکردن بوەستێنن".

 

لەلایەکى ترەوە، کەمپینى هەڵبژاردنى دۆناڵد ترەمپ ڕەخنە لە پرۆسەى هەڵبژاردن دەگرن و پێیان وایە، دیموکراتەکان ساختەکارى دەکەن و لە چەند ولایەتێک سکاڵاى یاساییان تۆمارکردوە، هەروەها داوایانکردوە جیاکردنەوەى دەنگەکان لە ولایەتى جۆرجیا بوەستێنرێت.

 

پێشتریش تیمەکەى ترەمپ لە ولایەتى ویسکنسن سکاڵایان تۆمارکردبوو داواى دوبارە جیاکردنەوەى دەنگەکانیان کردبوو، هەروەها لە ولایەتەکانى میشیگان و بنسلڤانیا داواى وەستانى جیاکردنەوەیان کردوە.

 

تائێستا بە بەدەستهێنانى 264 کورسى ئەنجومەنى هەڵبژاردن جۆ بایدن پێش ترەمپ کەوتوە کە 214 کورسى بەدەستهێناوە و تەنها 6 کورسى دەوێت بۆ بردنەوەى هەڵبژاردن، جیاکردنەوە دەنگەکانیش لەو 5 ولایەتەى ماون بەردەوامە و بە یەکلاکردنەوەى یەکێک لە ولایەتەکان "جگە لە ئالاسکا کە تەنها 3 کورسى هەیە" هەڵبژاردن یەکلایى دەکاتەوە و دەبێتە سەرۆکى داهاتووى ئەمەریکا.