گه‌ڕان

Shadow Shadow
سیاسه‌تی

سەركردەیەك بۆ مەلا بەختیار..

سەركردەیەكی ئیسلامی بۆ مەلا بەختیار: پێغەمبەر نا خودا فەرموویەتی

2020.11.05 - 16:59
App store icon Play store icon Play store icon
سەركردەیەكی ئیسلامی بۆ مەلا بەختیار: پێغەمبەر نا خودا فەرموویەتی

ناس کورد-

نوسەر و ئەندامی پێشووی مەكتەبی سیاسیی كۆمەڵی ئیسلامی، تۆفیق كەریم، رەخنەی لە مەلا بەختیار گرت كە ئایەت و فەرموودەی تێكەڵ كردووە لە پلاتفۆرمی دابڕان و دەڵێت: "كەسێك ئەوەنە نەشارەزابێت چۆن جورئەتی باسكردنی ئاینی هەیە".

کەناڵی ناس کورد لە تێلیگرام جۆین بکە   

 

لە نوسینێكدا لە هەژماری تایبەتی خۆی "فەیسبوك" كە  "ناس كورد" دیویەتی (5 تشرینی دووەمی 2020) تۆفیق كەریم لە نوسینێکدا بە ناونیشانی " پێغەمبەرنا،خودا فەرموویەتی" نوسیویەتی: "ئەم بەیانیە گوێم لەمەلا بەختیاربوو لە پلاتفۆرمی دابڕان، دەیوت پێغەمبەر وتویەتی هەرکەس کەسێک بکوژێت وەک ئەوە وایە هەموو خەڵکی کوشتبێت."

 

ئاماژەی بەوەشكردووە: "لەکاتی بیستنی ئەم قسە ناشارەزایانەدا هەمیشە پرسیارێک زەق دەبێتەوە، بۆدەبێت نمونەی ئەم کەسانە ئامادەبن هەزاران لاپەڕە لەسەر ڕەوت وئایدیاکان بخوێننەوە، بەڵام ئامادەنەبن یەکجار بەوردی دراسەیەکی قورئان بکەن، هەر بۆ ئەوەی قسەی خودا و پێغەمبەر لەیەک جیابکەنەوە."

 

ئەو ئەندامەی پێشووی مەکتەبی سیاسیی کۆمەڵ دەشڵێت: "ئایا کەسێک ئەوەندە ناشارەزابێت چۆن جورئەتی باسکردنی ئاینی هەیە، بۆ لێی ناگەڕێت بۆخەڵکە شارەزاکە؟، ئەم جۆرهەڵانە بۆ کەسانێک ناشێت خۆیان بەرۆشنبیر و شارەزا بزانن."