گه‌ڕان

Shadow Shadow
چیرۆكه‌كانمان

پەرلەمانتارێکی عیراق: دانیشتنەکە تایبەت نیە بە گەندەڵی

نوسینگەی ڕۆژنامەوانی پەرلەمانی عیراق: دانیشتنی شەممە تایبەتە بە گەندەڵی

2019.03.05 - 21:06
نوسینگەی ڕۆژنامەوانی پەرلەمانی عیراق: دانیشتنی شەممە تایبەتە بە گەندەڵی

ناس کورد- سۆما ئەمجەد

بە گوێرەی ڕاگەیەندراوی نوسینگەی ڕۆژنامەوانی پەرلەمانی عیراق، دانیشتنی ڕۆژی شەممەی ئەنجومەنەکە تایبەتدەبێت بە تاوتوێکردنی دۆسیەی ڕوبەڕوبونەوەی گەندەڵی، پەرلەمانتارێکیش ڕەتیدەکاتەوە لە دانیشتنی یەکەمدا ئەو پرسە تاووتوێ بکرێت.

 

لە ڕاگەیەندراوەکەی نوسینگەی ڕۆژنامەوانی پەرلەمانی عیراقدا هاتووە: "دانیشتنی یەکەمی وەرزی دووەمی یاسادانانی ئەنجومەنی نوێنەرانی عیراق، لە ڕۆژی شەممە (٩ئازاری٢٠١٩) سازدەکرێت، کە تایبەت دەبێت بە تاووتوێکردنی دۆسیەی ڕوبەڕوبونەوەی گەندەڵی، لەو دانیشتنەدا بانگهێشتی سەرۆکوەزیران، سەرۆکی ئەنجومەنی دادوەری، سەرۆکی دیوانی چاودێری و سەرۆکی دەستەی دەستپاکی دەکرێت".

لەو بارەیەوە حەسەن ئالی ئەندامی ئەنجومەنی نوێنەرانی عیراق بە ناس کورد-ی ڕاگەیاند: "دانیشتنی یەکەمی وەرزی دووەمی یاسادانان، تایبەت دەبێت بە دوو بڕگە، یەکەمیان تەواوکردنی کابینەی نوێی حکومەتە، بڕگەی دووەم تایبەتە بە هەڵبژاردنی سەرۆکی لیژنەکانی پەرلەمانی عیراق".

 

لە کابینەکەی عادل عەبدولمەهدی چوار وەزارەت بە بەتاڵی ماونەتەوە، کە وەزارەتەکانی (ناوخۆ، بەگری، پەروەردە و داد)ن.