گه‌ڕان

Shadow Shadow
سیاسه‌تی

وادەى گەڕانەوەى تەرمى نەجمەدین کەریم بۆ هەرێمى کوردستان راگەیەندرا

2020.11.05 - 08:47
وادەى گەڕانەوەى تەرمى نەجمەدین کەریم بۆ هەرێمى کوردستان راگەیەندرا

ناس کورد-

وادەى گەڕانەوەى تەرمى نەجمەدین کەریم، پارێزگارى پێشووترى کەرکوک بۆ هەرێمى کوردستان و ئەنجامدانى مەراسیمى ناشتن و ماتەمینى ڕاگەیەندرا.

 

بەگوێرەى راگەیەندراوى هەژمارى هەوادارانى نەجمەدین کەریم لە تۆڕە کۆمەڵایەتییەکان کە ناس کورد بینیوونى ئاماژە بەوە کراوە (5ى تشرینى دووەمى 2020)، لە ڕێگەی فرۆکەخانەی ھەولێرەوە رۆژی ھەینی کاتژمێر ٤ی عەسر  تەرمی خوالێخۆشبوو دکتۆر نەجمەدین کەریم  دەگاتەوە خاکی کوردستان لە مەراسیمێکی  ماتەمینی فراوان بەخاک دەسپێردرێت.

 

(31ى تشرینى یەکەمى 2020) نوسینگەی نەجمەدین کەریم لە ڕاگەیەنراوێکدا هەواڵى کۆچى دوایى نەجمەدین کەریم، پارێزگارى پێشووترى شارى کەرکوکى راگەیاند.

 

لە راگەیەندراوەکەدا هاتبوو "لەدوای چەند ڕۆژ نەخۆش کەوتنی، ئەمڕۆ هەینی کاتژمێر 11ی شەو بە کاتی ئەمەریکا، نەجمەدین کەریم کۆچی دوایی کرد".  

 

دەشڵێت، "لەسەر وەسیەتی خوالێخۆشبوو دکتۆر نەجمەدین کەریم تەرمی بەڕێزییان دەهێنرێتەوە بۆ کوردستان و بە شێوەیەکی کاتی لە كوردستان بە خاک دەسپێردرێت، تا ئەو کاتەی شاری کەرکوك ئازاد دەکرێت و لە ژێر ئەمنیەت و ئارامی هێزەکانی پێشمەرگەدەبێت، بە شێوەیەکی هەمیشەیی دەبرێتەوە بۆ شاری کەرکوكی پیرۆز."