گه‌ڕان

Shadow Shadow
سیاسه‌تی

دوو پەرلەمانتارى تورکیا: ئاکەپە هەوڵى سەندنەوەى متمانە لە 18 پەرلەمانتار ده‌دات

2020.11.04 - 19:38
دوو پەرلەمانتارى تورکیا: ئاکەپە هەوڵى سەندنەوەى متمانە لە 18 پەرلەمانتار ده‌دات

ناس كورد- 

دوو پەرلەمانتارى تورکیا سه‌ركۆنه‌ی پارتى داد و گەشەپێدانى تورکیا دەکەن و دەڵێن، هەوڵى سەندنەوەى متمانە لە 18 پەرلەمانتارى پارتە ئۆپۆزسیۆن و کوردیەکان دەدات.

 

(3ى تشرینى دووەمى 2020) پارتى داد و گه‌شه‌پێدانی توركیا و پارتی بزوتنەوەى نەتەوەیى هاوپەیمانى کە دەوڵەت بەهجەلى سەرۆکایەتى دەکات، 22 پەڕاوی پەرلەمانییان پێشکەشى پەرلەمان کرد بۆ سەندنەوەى متمانە لە 18 پەرلەمانتارى ئۆپۆزسیۆن لەنێویشیاندا "پەروین بوڵدان" هاوسەرۆکى هەدەپە و "کەمال کلچدار ئۆغڵۆ" سەرۆکى حزبى جەهەپە.

 

لەو بارەیەوە "حسێن کاشماز" پەرلەمانتار لەسەر پشکى هەدەپە ڕایگه‌یاند، یاساى تورکیا ڕێگە بە سەندنەوەى متمانە دەدات، بەڵام لە ئێستادا ژمارەى پەرلەمانتارانى حزبى دەسەڵاتدار بەس نییە و چونکە پێویستى بە دەنگى 360 پەرلەمانتار هەیە و ئاکەپە و هاوپەیمانەکەى ئەو ژمارەیان نییە.

 

وتیشى، پێموایە کاتێک شکستدەهێنن ئەوکاتە هەوڵى ئەوە دەدەن پەنا بۆ دادگا ببه‌نەوه‌ تۆمەتیان بۆ دروستبکەن وەک پێشتر کردویانە.

 

لاى خۆشیەوە "ئۆناڵ شیفیکوز" پەرلەمانتار لەسەر پشکى جەهەپە هێماى بۆ ئەوە کردوە، تائێستا نازانین چى ڕودەدات، سەندنەوەى متمانەى پەرلەمانتار لە حزبەکەمان شکستدەهێنێت و لە ئێستادا ئاسان نییە.