گه‌ڕان

Shadow Shadow
سیاسه‌تی

لە سنوری چەمانکێ بووە

شەڕ لە نێوان پەکەکە و پێشمەرگە ڕوویدا و کوژراو و بریندار هەیە

2020.11.04 - 11:15
App store icon Play store icon Play store icon
شەڕ لە نێوان پەکەکە و پێشمەرگە ڕوویدا و کوژراو و بریندار هەیە

ناس کورد-

لە ناوچەى چەمانکێ لە نزیک زاخۆ، گەریلاکانی پەکەکە هێرشیان کردە سەر هێزەکانی پێشمەرگە و شەڕ و پێکدادان ڕوویدا و پێشمەرگەیەکیش کوژرا.

کەناڵی ناس کورد لە تێلیگرام جۆین بکە   

 

بەپێی زانیارییەکانی ناس کورد کە لە سەرچاوەیەکی سەربازییەوە (4ی تشرینی دووەمی 2020) وەریگرتووە، "گەریلاکانی پەکەکە هێرشیان کردووە سەر بنکەیەکی هێزەکانی پێشمەرگە لە چەمانکێ و چەند پێشمەرگەیەکیش بریندار بوون و پێشمەرگەیەکیش کوژراوە."

 

هاوکات تەلەفزیۆنی فەرمی پارتی ڕایگەیاندووە کە لە هێرشەکەدا "شەهید و بریندار هەن."

 

سەرچاوەیەکى دیکەى ئیداریی لەو سنورە بە ناس کوردى راگەیاند، کە شەڕ و پێکدادان لە سنورى چەمانکێ روویداوە، پێشمەرگەیەک کوژراوە و دووانی تریش بریندارن.

 

هێشتا پەکەکە هیچ لێدوانێکى لەبارەى شەڕەکەوە بڵاونەکردووەتەوە، بەڵام ئاژانسى ڕۆژنیوزى نزیک لەپەکەکە ئەمڕۆ بڵاویکردووەتەوە، "هەڕەشەکانی پارتى بۆ هەڵگیرسانی شەڕی ناوخۆ زیادییان کردووە، جێگیرکردنی هێزێکی تایبەتی سەر بە سەرۆکی پارتى لە هەولێرەوە تا بارزان، بەوە لێکدەدرێتەوە کە ئاماژەیەک بێت بۆ ئامادەکارییەکانی پەدەکە بۆ هەڵگیرسانی شەڕ".

 

ئەمە دووەم پێکدادانى نێوان پێشمەرگە و پەکەکەیە لەماوەى 10 رۆژدا، ڕۆژی 25ى تشرینى یەکەمى 2020 لەسنورى ئاکرێ پێکدادان لەنێوان هێزێکى پێشمەرگە و گەریلاکانى پەکەکە روویدا، لەکاتێکدا هێزەکانى پێشمەرگە خەریکى سەنگەر لێدان بوون لەو سنورە.