گه‌ڕان

Shadow Shadow
سیاسه‌تی

زانیاری تەواو

حکومەتی هەرێم دەرماڵەی موچەخۆران و ڕێکاری نوێ لە دژی کۆرۆنا تاوتوێ دەکات

2020.11.04 - 09:20
حکومەتی هەرێم دەرماڵەی موچەخۆران و ڕێکاری نوێ لە دژی کۆرۆنا تاوتوێ دەکات

ناس کورد-

ئەنجومەنی وەزیرانی هەرێمی کوردستان ئەمڕۆ کۆدەبێتەوە بۆ تاوتوێکردنی ڕێکاری نوێی بۆ خۆپارێزی لە کۆرۆنا، هەروەها بڕیاری تایبەت بە (دەرماڵەی لە بری پەككەوتن)ی تایبەت بە موچەخۆران تاوتوێ دەکات. 

 

فەرمانگەی میدیا و زانیاری سەر بە حکومەتی هەرێم لە ڕاگەیەنراوێکدا (4ی تشرینی دووەمی 2020) دەڵێت، "پێش نیوەڕۆی ئەمڕۆ ئەنجومەنی وەزیران بە سەرپەرشتیی سەرۆكی ئەنجومەنی وەزیران و ئامادەبوونی جێگری سەرۆكی ئەنجومەنی وەزیران کۆدەبێتەوە."

 

دەشڵێت، لە كۆبوونەوەكەدا "دوا پێشهاتەكانی تەشەنەسەندنی بڵاوبوونەوەی پەتای ڤایرۆسی كۆرۆنا و رێكارەكانی هەردوو وەزارەتی تەندروستی و ناوخۆ بۆ ئەم مەبەستە دەخرێتەڕوو."


ئاماژەى بەوەشکردووە، "ئەنجومەن رەشنوسی پەیڕەوێک وپرۆژە بڕیارێک تاوتوێ دەکات، پەیرەوی رێكخستنی كاری كۆمپانیا ئەمنییەكانی لە هەرێمی كوردستان-عێراق) هەروەها پرۆژی بڕیاری تایبەت بە (دەرماڵەی لە بری پەككەوتن) لە چوارچێوەی یاسای چاكسازی لە مووچە و دەرماڵە و بەخشین و ئیمتیازەكان و خانەنشینی لە هەرێمی كوردستان-عێراق."