گه‌ڕان

Shadow Shadow
سیاسه‌تی

وەك تیرۆریست مامەڵەیان لەگەڵ دەكرێت

تیمی پارێزەرانی نەوەی نوێ‌: دەستگیركراوەكانمان جلی پرتەقاڵی تیرۆریستیان لەبەركراوە

2019.05.09 - 17:47
App store icon Play store icon Play store icon
تیمی پارێزەرانی نەوەی نوێ‌: دەستگیركراوەكانمان جلی پرتەقاڵی تیرۆریستیان لەبەركراوە

کەناڵی ناس کورد لە تێلیگرام جۆین بکە   

ناس كورد- تیمی پارێزەرانی جوڵانەوەی نەوەی نوێ‌ لە راگەیەندراوێكدا ئاماژە بە خراپی دۆخی زیندانیكراوەكانیان دەكەن و جەخت لەسەر ئەوە دەكەنەوە جلوبەرگی "پرتەقاڵی تیرۆریستیان" لەبەركراوە. . لەراگەیەندراوێكی تیمی پارێزەرانی جوڵانەوەی نەوەی نوێ‌ كە وێنەیەكی دەست (ناس كورد) كەوتووە، جەخت لەسەر ئەوە كراوەتەوە ماوەی 15 ڕۆژە هیچ كەس ناتوانێت دەستگیركراوەكان ببینێت و كەس نازانێت لە چ دۆخێكدان. . بەگوێرەی راگەیەندراوەكە، ئەو كەسانەی دەستگیركراون، جلی پرتەقاڵی تیرۆریستیان لەبەركراوە و وەك تیرۆریست مامەڵەیان لەگەڵ دەكرێت و تا ئێستاش تۆمەتبارەكان پارێزەریان نییە. . ئاماژە بەوەش كراوە، لێكۆڵەری دادوەری لە دادگاوە دەبرێت بۆ ناو ئاسایش و "لەژێر فشار"ی ئاسایش، وتە لە دەستگیركراوەكان وەردەگیرێت، نەك كەسەكان بهێنرێنە دادگا و بەردەم دادگا وتەیان لێ وەربگێرێت. . لە راگەیەندراوەكەدا داوا لە لایەنە مرۆڤدۆست و ڕێكخراوە نێودەوڵەتییەكان كراوە، هەڵوێستێكی مرۆڤانە و یاساییانەیان هەبێت و هەوڵ بدەن كە ئەم دۆسیەیە وەك دۆسیەیەكی یاسایی مامەڵەی لەگەڵدا بكرێت. . تیمی پارێزەرانی نەوەی نوێ‌ ئاسایش بەوە تۆمەتبار دەكەن كە ناهێڵن كەسەكان خۆیان وتە و لێدوان بدەن بە دادوەر و جەخت دەكەنەوە "بەردەوام چەند ئەفسەرێكی ئاسایش ڕێنوێنی دادوەر دەكات و وتەكان بە دادوەر دەڵێت". . بەگوێرەی راگەیەندراوی میدیای جوڵانەوەی نەوەی نوێ‌ چەند جارێك هێزەكانی ئاسایش هەڵیانكوتاوەتە سەر ئۆفیسی سەرەكی جوڵانەوەكە لە شاری سلێمانی و چەند خۆبەخشێكی ئەو جوڵانەوەیەیان دەستگیركردووە. . دەستگیركردنی ژمارەیەك لە خۆبەخشی جوڵانەوەكە بەهۆی ئەو سكاڵا یاساییەیە كە شادی نەوزاد ئەندامی پەرلەمانی كوردستان لە فراكسیۆنی نەوەی نوێ‌ تۆماری كردووە و ئاماژەی بەوە كردووە لەلایەن كەسانی نزیك لە سەرۆكی جوڵانەوەی نەوەی نوێ‌ بە مۆبایل هەڕەشەی لێكراوە بە بڵاوكردنەوەی گرتەی ڤیدیۆیی دروستكراو. .