گه‌ڕان

Shadow Shadow
سیاسه‌تی

رووداوێکى سەیر

کلکى نەهەنگێک شەمەندەفەرێکى لە کارەسات رزگارکرد

2020.11.03 - 08:14
کلکى نەهەنگێک شەمەندەفەرێکى لە کارەسات رزگارکرد

ناس کورد-

 

شۆفێرى شەمەندەفەرێک لە هۆڵەندا بەشێوەیەکى سەرسوڕهێنەر رزگاریبوو، کاتێک کۆنتڕۆڵى لەدەستدا، بەڵام بەهۆکارێکى پێشبینینەکراو نەکەوتە ناو ئاوێکى زۆرەوە کە لەبەردەمیدا بوو.

 

 

بەپێی پێگەى بی بی سی ( 3ی تشرینی دوووەمی 2020)، شەمەندەفەرەکە کە لە نزیک شارى رۆتردام دەرۆیشت، خۆى کێشاوە بە بەربەستێکدا و خەریک بووە لەبەرزى 10 مەترەوە بکەوێتە ناو ئاوێکى زۆرەوە.

 

ئاماژە بەوەشکراوە، کلکى پەیکەرێکى گەورەى نەهەنگ کە لەو شوێنە بووە شەمەندەفەرەکەى رزگار کردووە و بە هەڵواسراوى بەسەر کلکى پەیکەرەکەوە گیرساوەتەوە.

 

شۆفێرەکە توانیویەتى شەمەندەفەرەکە جیبهێڵێت کە کەسى تێدا نەبووە و رەوانەى نەخۆشخانە کراوە بۆ ئەنجامدانى پشکنین و پێناچێت هیچ زیانێکى پێگەیشتبێت.