گه‌ڕان

Shadow Shadow
سیاسه‌تی

هۆکارەکەى بزانە

پۆلیسی قەرەداغ سزای کۆمپانیایەکی جیهانی دەدات

2020.11.02 - 21:43
App store icon Play store icon Play store icon
پۆلیسی قەرەداغ سزای کۆمپانیایەکی جیهانی دەدات

ناس کورد-

پۆلیسى دارستان و ژینگەى سلێمانى سزادانى کۆمپانیاى نەوتى گەنەڵ ئینێرجى راگەیاند بەهۆى "شێواندنی" سروشتەوە.

کەناڵی ناس کورد لە تێلیگرام جۆین بکە   

 

کۆمپانیاکە لە راگەیەنراوێکدا کە وێنەیەکى دەست ناس کورد کەوتووە ڕایگەیاند ( 2ی تشرینی دوووەمی 2020)، بەشی پۆلیسی دارستانی قەرەداغ  پاڵپشت بە یاسا و ڕێنماییەکان ڕێکاری پێویستی گرتەبەر بەرانبەر بە کۆمپانیای (گـەنەڵ  ئینێرجى) کـە کاری لێدانی بیری نـەوت دەکات.

 

ئاماژەى بەوەشکردووە، ئەگەرچی کۆمپانیاکە مۆڵەتی فەرمی هەبووە بەڵام بەهۆی کارەکەیەوە زیانی بەدارستان و سروشتی ناوچەکە گەیاندووە، هەربۆیە لەلایەن بەشی پۆلیسی دارستانی قەرەداغ ڕێکاری یاسایی لەدژیان گیراوەتەبەر. 

 

بەپێی راگەیەنراوەکە، لەنجامی پێداگیری و بەدواداچوونی بەردەوام و ڕووپێوی شوێنی کارکردنەکە و خەمڵاندنی درەختە زیانپێکەوتووەکان کۆمپانیاکە بە بڕی ( ٣٢ ملیۆن و ٨١٠ هەشت سەد و دە هەزار دینار) غەرامەکراوە.

 

ئەوەش خراوەتەڕوو، هەروەها پێشنیار کراوە لەجێگەی هەر درەختێکی زیانپێکەوتوو هەوڵبدرێت بەچاندنی (پێنج) پێنج دار کەتەمەنیان لە نێوان(دوو بۆسێ) ساڵ کەمتر نەبێت  لەچوارچێوەی ڕێنمایەکانی بەڕێوەبەرایەتی دارسان و پاوان .