گه‌ڕان

Shadow Shadow
سیاسه‌تی

جەهەپە داوای دووبارەکردنەوەی هەڵبژاردنی پەرلەمان و سەرۆکایەتی تورکیا دەکات

2019.05.08 - 21:44
جەهەپە داوای دووبارەکردنەوەی هەڵبژاردنی پەرلەمان و سەرۆکایەتی تورکیا دەکات
    ناس كورد – هەڤاڵ فەتاح . لە وەڵامدانەوەی دووبارکردنەوەی هەڵبژاردنی شارەوانییەکانی شاری ئیستەنبوڵ، گەورەترین پارتی ئۆپۆزسیۆنی تورکیا داوای دووبارەکردنەوەی هەڵبژاردنەکانی ساڵی ڕابردووی پەرلەمان و سەرۆکایەتی تورکیا دەکات. . دوای لە هەڵبژاردنی شارەوانییەکانی ئاداری ئەمساڵی تورکیا، بۆیەکەمجار لە ماوەی پانزە ساڵدا پارتی داد و گەشەپێدانی دەسەڵاتدار ئەو شارەی لەدەست دا، كۆمسیۆنی باڵای هەڵبژاردنەكانی توركیا ڕۆژی دووشەممە ڕابردوو بڕیاری هەڵوەشاندنەوەی ئەنجامى هەڵبژاردنەكانی شارەوانی ئەو شارەی دا و بڕیارە لە مانگی تەمووزدا هەڵبژاردنەکە دووبارەبکرێتەوە. . لەبەرامبەردا، ئەمڕۆ چوارشەممە، پارتی گەلی كۆمار (جەهەپە) کە گەورەترین پارتی ئۆپۆزسیۆنی تورکیایە، لە ڕاگەیەندراوێكدا داوی هەڵوەشاندنەوەی ئەنجامەكانی هەردووهەڵبژاردنەكانی پەرلەمان و سەرۆكایەتی توركیای كرد كە لە 24 حوزیرانی 2018دا ئەنجامدرابوون. . لەو بارەیەوە موحەرەم مالی، جێگری سەرۆكی پارتی گەلی كۆماری ئاماژەی بۆ ئەوە کردووە، ئەوان بەڵگەیان هەیە کە ئەو كەسانەی كاریان لە سەر سەندوقەكانی دەنگدان كردبوو، "کاریگەریی خراپیان هەبووە لەسەر ئەنجامی هەڵبژاردنەكان". . لە هەڵبژاردنەکانی 30ی ئاداری شارەوانییەکانی تورکیا، پارتەکەی رەجەب تەیب ئەردۆغان، ئاکەپە، لە هەر سێ شاری گەورەی ئەنقەرە، ئیستەنبوڵ و ئیزمیر لەبەرامبەر جەهەپەدا شکستی هێنا، ئەوەش وای لە ئەردۆغان و پارتەکەی کرد هەوڵبدەن دووبارە هەڵبژاردن لانی کەم لەشارێکی گەورەدا بکەنەوە، تا دەرفەتێکی دیکەیان بۆ سەرکەوتن هەبێت. . .