گه‌ڕان

Shadow Shadow
سیاسه‌تی

’’هۆکاری کۆچی دوایییەکەی

بەختیار کەریم باس لە هۆکاری کۆچی دوایی د. نەجمەدین کەریمی برای دەکات

2020.10.31 - 22:11
بەختیار کەریم باس لە هۆکاری کۆچی دوایی د. نەجمەدین کەریمی برای دەکات

ناس کورد-

برایەکی د. نەجمەدین کەریم باس لە هۆکاری گیانلەدەستدانی پارێزگاری پێشووی کەرکوک دەکات و دەڵێت، ڕووداوەکانی ئەم دواییەی کەرکوک زۆر کاریگەری هەبووە لەسەر تەندروستیی.

 

د. بەخیار کەریم، برای د. نەجمەدین کەریم (شەممە 31ی تشرینی یەکەمی 2020) بە دەنگی ئەمریکای ڕاگەیاند: " پێش نزیکەی مانگێک توشی جەڵتەی مێشک بوو، پاشان ڕەوشی باش ببوو، پزیشکەکانی هیوایەکی زۆریان پێداین کە بەرەو باشی دەڕوات، بەڵام بە داخەوە ڕۆژی دووشەممە جەڵتەیەکی تر لێی دا و بووە هۆی گیان لەدەستدانی لە ڕۆژی هەینی."

 

ئاماژەی بەوەشكردووە: " وەکو برایەک ناوبەناو قسەی لەگەڵ دەکردم و ئامادەی دەکردین بۆ ئەوەی کە پاش مەرگی ئامادە بین و بەهێز بین."

 

سەبارەت بەو دەنگۆیانەی کە دەڵێن د. نەجمەدین پێشتر شێرپەنجەی هەبووە و پاشان جەڵتە لێی داوە ، براکەی دەڵێت: " ڕاستە شێرپەنەی هەبوو و چارەسەری وەردەگرت، بەڵام ئەوەی هۆکاری مەرگی بوو جەڵتەکە بوو، ڕووداوەکانی ئەم دواییانەی کەرکوک کاریگەرییەکی زۆری هەبووە لە سەر تەندروستیی د. نەجمەدین."

 

نەجمەدین کەریم ساڵى 1949 لەشارى کەرکوک لەدایک بووە و دواى نسکۆى شۆڕشەکەى مەلا مستەفا بەرەو ئەمەریکا کۆچى کردووە و ڕەگەزنامەى ئەو وڵاتەشى هەیە و یەکێک بووە لەپزیشکە تایبەتیەکانى مەلا مستەفا بارزانی.  

  

ساڵى 2011 گەڕاوەتەوە بۆ هەرێم و لەسەر پشکى یەکێتى تا پێش ڕیفراندۆمەکەى هەرێم پارێزگارى ئەو شارە بووە و بەهۆى ئەو ڕوداوانەشەوە چەند جارێک فەرمانى دەستگیرکردنى لەلایەن دادگاکانى عێراقەوە بۆ دەرکراوە و تا پێش نەخۆشکەوتنیشى لەشارى هەولێر ژیاوە.