گه‌ڕان

Shadow Shadow
سیاسه‌تی

گومان لەسەر تەقینەوەکە دروستدەبێت

گومان دەکرێت هۆکاری تەقینەوەی بۆرییە گازەکەی موسەنا تەکنیکی نەبێت

2020.10.31 - 21:21
گومان دەکرێت هۆکاری تەقینەوەی بۆرییە گازەکەی موسەنا تەکنیکی نەبێت

ناس کورد- 

پەرلەمانتارێکی فراکسیۆنی بەدر گۆمانی لەهۆکاری تەقینەوەی بۆرییە گازەکەی پارێزگای موسەنا هەیە و ڕایگەیاند، تەقینەوەکە هۆکارەکەی تەکنیکی نەبووە، بەڵکو هۆکاری دیکەی لە پشتەوە هەیە، ئاماژەی بەوەشکرد، ئەوان چاوەڕێی ئەنجامی لێکۆڵینەوەکانن لەوباریەوە، بۆیە نایانەوێت تۆمەتی پێش وەخت ئاڕاستەی کەس بکەن.

 

عودەی شەعلان ئەبو جۆن، پەرلەمانتاری فراکسیۆنی بەدری سەربە هادی عامری لە پارێزگای موسەنا لەڕاگەیاندراوێکدا کەوێنەیەکی دەست ناس کورد کەوتووە ( 31ی تشرینی یەکەمی 2020) ڕایگەیاند: "تەقینەوەی بۆرییە گازەکەی پارێزگای موسەنا هۆکارەکەی تەکنیکی نەبووە، گومانمان هەیە هۆکاری دیکە لە پشت تەقینەوەکەوە هەبێت".

 

وتیشی: "نامانەوێت تۆمەتی پێش وەخت ئاڕاستەی کەس بکەین، بەڵام زانیاریمان لەژمارەیەک شایەت حاڵەوە پێگەیشتووە، چاودێری لێکۆڵینەوەکانی حکومەت دەکەین، ئەگەر بەلاڕێدا ببرێت ئەوا بەهیچ شێوەیەک قبوڵی ناکەین، لەئامادەباشیداین بۆ ڕاستکردنەوەی هەرهەڵەیەک لەڕێرەوی لێکۆڵێنەوەکە". 

 

پەرلەمانتارەکەی فراکسیۆنی بەدر، داواشی لە حکومەت کردووە  بەزووترین کات قەربووی قوربانیانیانی ڕووداوەکە بکاتەوە. 

 

پێشنيوەڕۆى (شەممە 31ى تشرينى يەكەمى 2020) بۆريەكى غاز لە پارێزگاى موسەنا لە نزيك بارەگايەكى حەشدى شەعبى تەقيەوە و بەهۆيەوە دوو منداڵ گيانيانلەدەستدا و 28 كەسى تر برينداربوون كە ژمارەيەكيان چەكدارى حەشد بوون.