گه‌ڕان

Shadow Shadow
سیاسه‌تی

عەمید سەرحەد هەندێک نهێنی لەبارەی نەجمەدین کەریم باس دەکات

2020.10.31 - 20:16
عەمید سەرحەد هەندێک نهێنی لەبارەی نەجمەدین کەریم باس دەکات

ناس کورد-

عەمید سەرحەد قادر، بەڕێوەبەری پێشووی پۆلیسی قەزا و ناحییەکانی کەرکوک هەندێک نهێنی لەبارەی نەجمەدین کەریم بڵاوکردەوە و ڕایگەیاند، ئەوەی بەمردویی بۆی دەکەن بەزیندویی بتان کردایە بۆ نەجمەدین کەریمەکان.

 

عەمید سەرحەد قادر، بەڕێوەبەری پێشووی پۆلیسی قەزا و ناحییەکانی کەرکوک لە فەیسبوکی فەرمیی خۆی بڵاویکردەوە: "جارێکی دیکە دەڵێم کورد مردوو پەرستە نامەوێ باسی ئەوەبکەم کەچۆن لەدوای ڕوداوەکانی ۱٦ ئۆکتۆبەر دکتۆر نەجمەدین کەریمان بەڕێکرد لەکەرکوک، بەهەرحاڵ هاتە شاری هەولێر گەر لەکەرکوک بمایە یاخود ڕێک بکەوتایە لەگەڵ دەسەڵاتدارانی بەغداو لایەنە شیعەکان دەیتوانی هیچ نەبێ لەشارەکەی خۆی بێت ئاوارەنەبێ، بەڵام ئەوەی قبوڵ نەکرد، ژیانی ئاوارەی هەڵبژارد من وەک خوم یەکێک بوم کەزوو زوو سەردانم دەکرد زۆرجاریش باسی دەردەدڵی خۆی بۆ دەکردم."

 

ئاماژەی بەوەشكردووە: "بەنیازی ئەوەبوو لەحکومەتی نوێی هەرێم کەتەشکیلکرا تەکلیفی لێبکرێت بکرێته وەزیر وەک ئەوەی خۆی دەیگوت بتوانی خزمەتی ئاوارەکان و کەرکوکیەکان بکات هەم وەک ڕێزگرتنێ کەوازی لەپۆستی پارێزگارو ئەندامی مەکتەبی سیاسی حزبەکەی و کۆمەڵی شتی تر هێنا."

 

سەرحەد قادر دەشڵێت: "من جارێکیان لەکەناڵی ئێن ئارتی ووتم دکتۆر نەجمەدین لەهەموو پارتیەکانی کەرکوک لەبەڕێز کاک مەسعود بارزانیەوە نزیکترە دوای بەرنامەکە پەیوەندی پێوەکردم ووتی کاک سەرحەد تۆخۆت باش دەزانی من چەند ڕێز لەتۆ دەگرم و من زۆر قەرزاری تۆم هەتا مردن من خۆم باش دەزانم تۆ لەکاتی ڕوداوەکانی ۱٦ ئۆکتۆبەر چیت بۆ کردم تا کەیشتمە هەولێر زۆر شتی دیکە، بەڵام کاک سەرحەد خۆت باش دەزانی من وەزعم چۆنە خۆت سەردانم دەکەیت بێ ئیشوکارم دانیشتوم باشیش دەزانم چەند معاناتت هەیە، بەڵام من لەگەڵ کاک نیچیرڤان و کاک مەسعود باسم کردوی بەڵام بێ ئەمەل بووم، ووتی دەچمەوە ماڵی خۆم دادەنیشم تۆیش ئاگات لەخۆت و تەندروستیت بێ بەداخەوە ئێمە بوینە سوتەمەنی ئەو ڕووداوانە.

 

لە کۆتایی نوسینەکەیدا سەرحەد قادر باسی لەوەکردووە: "باشە خۆ گەر پۆستێ بدرایە بەدکتۆر نەجمەدین کەریم لەم حکومەتە پڕ وزاریەی هەرێم بابۆ جارێ کۆمەڵێ دەم و چاوی کۆن سێ بارەو چوار بارە نەبونایە لەم لاو بۆ ئەولا تازە دکتۆر نەجمەدین کۆچی دوای کرد ڕوحی شادبێت ئەوەی بەمردویی بۆی دەکەن بەزیندویی بتان کردایە بۆ نەجمەدین کەریمەکان."

 

ئەمڕۆ شەممە (31ی تشرینی یەکەمی 2020)، نەجمەدین کەریم، پارێزگای پێشووی کەرکوک دوای نزیکەى مانگێک لە توشبوونی بە جەڵتەی مێشک، لە تەمەنی 71 ساڵیدا و لە یەکێک لە نەخۆشخانەکانی واشنتن کۆچی دوایی کرد، لەسەر وەسیەتی خۆیشی، تەرمەکەى دەهێنرێتەوە بۆ کوردستان.