گه‌ڕان

Shadow Shadow
سیاسه‌تی

چی دەرباری سەدام حسێن وتووە؟

ئەو ئەفسەرەى FBI کە سەدام حسێنى دەستگيركرد كۆچى دوايى كرد

2020.10.31 - 17:37
ئەو ئەفسەرەى FBI کە سەدام حسێنى دەستگيركرد كۆچى دوايى كرد

ناس کورد-

ولايەتى كۆلۆرادۆى ئەمريكا ئاشكرايكرد، ئەو ئەفسەرەى نوسينگەى لێكۆڵينەوەى فيدراڵى FBI كە هاوكاربوو لە دەستگيركردنى سەدام حسێن، سەرۆكى ڕژێمى پێشووى عێراق كۆچى دوايى كرد.

 

ڕۆژنامەى "دێنڤەر پۆست"، (شەممە 31ى تشرينى يەكەمى 2020) بڵاويكردووەتەوە، جەيمس دەيڤيس، ئەو ئەفسەرەى FBI كە لە ساڵى 2003 هاوكاربوو لە دەستگيركردنى سەدام حسێن كۆچى دوايى كرد.

 

ڕونيشكراوەتەوە، جەيمس ڕۆژى هەينى لەكاتى پياسەكردن لەگەڵ سەگەكەى تووشى جەڵتەى دڵ بووە و هەر ئەوەش بووەتە هۆى گيانلەدەستدانى.

 

دواى دەستگيركردنى سەدام حسێن، جەيمس سەرپەرشتى تيمى لێكۆڵينەوە و لێپرسينەوەى لە سەدام حسێن و وەرگرتنى DNA و شوێنپەنجەى كردوە، لەساڵى 2008 كرا بە بەڕێوەبەرى نوسينگەى FBI لە دێنڤەر و لەو بارەيەوە وتبووى: "ئەوە پاداشتى ئەو چوار ساڵەيە كە لە كابينەيەكدا دەژيا و سەرقاڵى دۆزينەوەى شوێنى سەركردە تيرۆرستيەكان بووە لە عێراق و ئەفغانستان و بەدواى چالاكيەكانى رێكخراوى قاعيدەوە بووە لە سەرجەم ناوچەكانى ڕۆژهەڵاتى ناوەڕاست."

 

جەيمس وێنەيەكى لەگەڵ سەدام حسێندا گرتووە و لەو كاتەى ئەو ديكتاتۆرەى پێشووى عێراق ڕەتيكردوەتەوە كە ڕووبكاتە كامێرەكە، لەساڵى 2008 يش لەچاوپێكەوتنێكدا وتويەتى: "كاتێك سەدام حسێنيان دەستگيركردوە ناوبراو تەنها كەسێكى بەتەمەنى نەخۆش بووە، دەكۆكى و تەندروستيەكى باشى نەبوو و وە سيستمى خۆراكى باش نەبوو".