گه‌ڕان

Shadow Shadow
سیاسه‌تی

ڕوونکردنەوەیەک لەدەروازەی باشماخەوە

سەبارەت بەداخستنی دەروازەی سنوریی باشماخ ڕوونكردنەوە دەدرێت

2020.10.31 - 17:11
سەبارەت بەداخستنی دەروازەی سنوریی باشماخ ڕوونكردنەوە دەدرێت

ناس كورد-

بەڕێوەبەری دەروازەی نێودەوڵەتیی باشماخ ڕایگیاند، دەروازەکە نە داخراوە و نەدادەخرێت، هاتووچۆ ئاساییە.

 

لیوا مەریوان شێخ كەمال، بەڕێوەبەری دەروازەی نێودەوڵەتیی باشماخ، ئەمڕۆ شەممە 31ی تشرینی یەكەمی 2020 ئەو دەنگۆیانەی ڕەتكردەوە سەبارەت بەداخستنی دەروازەكە و بە ناس کوردی رایگەیاند: "ئەو قسانە دووڕن لەڕاستییەوە، هیچ فەرمانێك بۆ داخستن نییە و هیچ بەرپرسێكی ئیداریی لەدیوی ئێران بۆ ئەو مەبەستە ئاگاداریان نەكردوونەتەوە".

 

وتیشی: "تاوەکو ئێستا هیچ بڕیارێکیش نییە بۆ داخستنی دەروازەکە، چونكە ئێستا ئەوان هەر شتێك بكەن ئەو هەماهەنگییەیان هەیە و ئەگەر بڕیارێکی لەوشێوەیە هەبووایە ئاگادار دەکراینەوە."

 

رۆژانە لە دەروازەی سنوریی باشماخەوە هاتووچۆی بازرگانی و هاووڵاتیان بۆ گەشت و چارەسەری پزیشكی لەنێوان هەرێمی كوردستان و كۆماری ئیسلامی ئێران بەردەوامە و بە هەندێک ڕێکاری تایبەت بە بەرەنگاربوونەوەی کۆرۆنا ئەو گەشتانە ئەنجامدەدرێن.