گه‌ڕان

Shadow Shadow
سیاسه‌تی

ناوەڕۆکى وەسیەتەکەى خۆى

تەرمى نەجمەدین کەریم کەى دەگەڕێنرێتەوە لەکوێ بەخاک دەسپێردرێت؟

2020.10.31 - 14:10
تەرمى نەجمەدین کەریم کەى دەگەڕێنرێتەوە لەکوێ بەخاک دەسپێردرێت؟

ناس کورد-

سکرتێرى ڕۆژنامەوانى نەجمەدین کەریم ڕایدەگەیەنێت، تەرمى ناوبراو لەشارى هەولێر بەشێوەیەکى کاتى بەخاک دەسپێردرێت و هێنانەوەى تەرمەکەشى نزیکەى چوار ڕۆژى پێدەچێت.

 

نەشوان جەلال بەناس کوردى (31ى تشرینى یەکەمى 2020) ڕاگەیاند "تەرمى دکتۆر نەجمەدین کەریمى پارێزگارى پێشووى کەرکوک بەکاتى لەشارى هەولێر بەخاک دەسپێردرێت لەسەر وەسێتى خۆى، ئەمڕۆش ئەو گۆڕستانە دیارى دەکەن کە تێدا بەخاک دەسپێردرێت".

 

وتیشى "گەڕانەوەى تەرمەکەى هەندێک ڕێوشوێنى پێویستە لەوانە بەڕێکردنى مامەڵەى گەڕانەوەکەى لەلایەن باڵێۆزخانەى ئەمەریکا و عێراق و دواتر هەرێمى کوردستان پێدەچێت لەماوەى چوار ڕۆژى داهاتوودا تەرمەکەى بگاتەوە هەرێمى کوردستان".

 

نەشوان جەلال ئاماژەى بۆ ئەوەشکرد، بەهۆى پابەندبوون بەڕێنماییە تەندروستیەکانەوە پرسەى بۆ دانانرێت.

 

ئەمڕۆ نوسینگەى ڕۆژنامەوانى نەجمەدین کەریم پارێزگارى پێشووى کەرکوک، مردنى ناوبراوى لەتەمەنى 71 ساڵیدا لەئەمەریکا بەهۆى جەڵتەى مێشکەوە ڕاگەیاند.

 

ئەوەشى ئاشکرا کردبوو، لەسەر وەسێتى خۆى بەکاتى لەهەرێمى کوردستان بەخاک دەسپێردرێت تا ئەوکاتەى شارى کەرکوک "رزگاردەکرێت".