گه‌ڕان

Shadow Shadow
سیاسه‌تی

کریستیانۆ کۆرۆناى تێپەڕاند

2020.10.30 - 23:16
App store icon Play store icon Play store icon
کریستیانۆ کۆرۆناى تێپەڕاند

ناس کورد-

 

یانەى یۆڤانتۆسى ئیتاڵى رایگەیاند، کریستیانۆ رۆناڵدۆ پەتاى ڤایرۆسى کۆرۆناى تێپەڕاندووە.

کەناڵی ناس کورد لە تێلیگرام جۆین بکە   

 

کریستیانۆ (35 ساڵ) لە یارییەکى هەڵبژاردەى وڵاتەکەى و چوار یاریی لەگەڵ یانەکەى بێ بەش بوو، بەهۆى توشبوونى بە ڤایرۆسى کۆرۆنا لە 13 ى ئەم مانگەدا.

 

بەپێی ئاژانسى رۆیتەرز، یانەى یۆڤانتۆس رایگەیاندووە (30ی تشرینی یەكەمی 2020)، کریستیانۆ پشکنینى بۆ کراوە و دەرکەوتووە کە چاکبووەتەوە، دواى 19 رۆژ لە توشبوونى بە کۆرۆنا.

 

کریستیانۆ  لە یارى داهاتووى یانەکەى بەرانبەر سبيتسيا لە خولى ئیتاڵى بەشدار دەبێت.

 

لەڕاگەیەندراوێکدا یەکێتی تۆپی پێی پرتوگال (سێشەممە 13ی تشرینی یەکەمی 2020) بڵاویکردەوە، دوای ئەنجامدانی پشکنینی کۆرۆنا بۆ یاریزانانی هەڵبژاردەی پرتوگال، پشکنینی کریستیانۆ رۆناڵدۆ "پۆزەتیڤ" بووە و توشی ڤایرۆسەکە بووە.   

  

ئاماژەی بەوەشكردووە، رۆناڵدۆ تەندروستی باشە و هیچ نیشانەیەکی ڤایرۆسەکەی نییە، بەڵام خۆی کەرەنتینە کردووە.