ناس کورد-
هاوپەيمانى نێودەوڵەتیى كە ئەمريكا سەرۆكايەتى دەكات ئاشكرايكرد، بەهۆى بۆردومانەكانى هاوپەيمانێتيەكەوە بە هەڵە لەساڵى 2014ەوە تائێستا 1400 هاووڵاتى مەدەنى لە عێراق و سوريا كوژراون.
کەناڵی ناس کورد لە تێلیگرام جۆین بکە
هاوپەيمانى نێودەوڵەتى لە ڕاگەیەندراوێکدا (29ى تشرينى يەكەمى 2020) بڵاويكردوەتەوە، لەسەرەتاى دەستپێكردنى پرۆسەكانەوە لە ساڵى 2014 هێزەكانى هاوپەيمانى و هێزە هاوبەشەكان توانيويانە 110 كيلۆمەتر لە زەويەكانى ژێر دەستى ڕێكخراوى داعش لە عێراق و سوريا ڕزگاربكەن.
باس لەوەشكراوە، بەهۆى ئەوەشەوە 7 مليۆن و 700 هەزار كەس لەژێر زەبرو زەنگى ئەو ڕێكخراوە ڕزگاركراون، هەروەها 34 هەزار و 917 بۆردومان ئەنجامدراون ئەوەش تا مانگى 9ى 2020.
هاوپەيمانى نێودەوڵەتى ئاشكراشی کردووە، هەر لەو ماوەيەدا بەپێى ئەو زانياريانەى بەردەستن بەهۆى پرۆسەكانەوە 1410 هاوڵاتى مەدەنى كوژراون ئەويش بەهۆى بۆردومانەكانەوە.
