گه‌ڕان

Shadow Shadow
سیاسه‌تی

وادەی بارانبارین دیارکرا

پێشبینی نەخشە كەشناسییە یابانییەكان بۆ بارانە چاوەڕوانكراوەكە

2020.10.29 - 23:16
پێشبینی نەخشە كەشناسییە یابانییەكان بۆ بارانە چاوەڕوانكراوەكە

ناس کورد-

پێشبینییەكانی نمونەی ئەنسامبڵزی یابانی بۆ كەشوهەوا باس لە شەپۆلێكی باراناوی دەكات لە رۆژهەڵاتی ناوەڕاست، لەگەڵ نزمبوونەوەی بەرچاوی پلەكانی گەرما لە تشرینی دووەم.

 

بەپێی دەقی پێشبینییەكانی ناوەندە یابانییەكە كە "ناس كورد" بەدواداچوونی بۆ كردووە (29 تشرینی یەكەمی 2020) هەفتەی یەكەمی مانگی داهاتوو (تشرینی یەكەم) حاڵەتێكی گشتگیری باران شام و عێراق و سعودیە میسر و بەشێك لە لیبیا دەگرێتەوە و دەگاتە حەوزی دەریای سوور.

 

بەپێی ئەو پێشبینیانە ناوچكە دەكەوێتە دۆخی سەرما، باران لەناوەندی ساڵان زیاتر دەبێت و گەرما نزمتر لەناوەندی ساڵانەی خۆی.

  

لەلایەکی دیکەوە، لەمیانەى بڵاوکردنەوەى بابەتێک لە هەژمارى خۆى لە فەیسبوک کە ناس کورد بەدواداچونى بۆ کردوە، واسیق سەلامى کەشناسى عێراقى ڕایگەیاند (29ى تشرینى یەکەمى 2020)، پێشبینیەکان مژدەبەخشن کە لەسەرەتاى مانگى داهاتوودا دابارین دەستپێدەکات و بارانبارینەکەش بۆ ماوەیەک بەردەوامى دەبێت.  

  

ئاماژەى بۆ ئەوەش کردووە، بەگوێرەى پێشبینى دەزگا تایبەتمەندەکانى ئەمەریکا،  باس لە هاتنى دوو ناوچەى پەستان نزم کراوە کە یەکەمیان لەیەکى مانگى تشرینى دووەمى داهاتووەوە  دەستپێدەکات و دووەمیشیان ڕاستەوخۆ لە 7ى هەمان مانگدا دەستپێدەکات.