گه‌ڕان

Shadow Shadow
سیاسه‌تی

ژنە ئاسنینەکەى تورکیا هێرش دەکاتە سەر ئەردۆغان 

2020.10.29 - 09:24
ژنە ئاسنینەکەى تورکیا هێرش دەکاتە سەر ئەردۆغان 

ناس کورد-

سەرۆکی پارتێکی ئۆپۆزسیۆنی تورکیا، بەتوندی ڕەخنەی لەڕەجب تەیب ئەردۆغان سەرۆک کۆماری ئەو وڵاتە گرت و بەهەرزەکار ناوی برد، ئاماژەی بەوەشکرد، ئەردۆغان سیاسەتی دەرەوەی وڵاتەکەی بۆ پڕکردنەوەی مەرامە تایبەتییەکانی خۆی قۆستوەتەوە.

 

میڕاڵ ئاکشنەر، سەرۆکی پارتی "خەیر" کەپارتێکی ئۆپۆزسیۆنی تورکیایە لەوتارێکیدا لەبەردەم فراکسیۆنەکەیدا لە پەرلەمانی ئەو وڵاتە کەئاراستەی ئەردۆغانی کردبوو بەهۆی گرژییەکانی ئەم دواییەی لەگەڵ فەڕەنسا وتی:"نابێت وەڵامی ڕەفتاری هەرزەکارانەی سەرۆکەکانی ئەوروپا بەڕەفتارێکی دیکەی هەرزەکارانە بدەیتەوە".

 

ئاکشنەر، ئەوەشی وتوە:"دەبێت دوربکەوێتەوە لەقۆستنەوەی سیاسەتی دەرەوەی تورکیا لەپێناو پڕکردنەوەى مەرامە تایبەتییەکانی خۆت، نابێت بەشێوەیەکی ناشرین وەڵامی ئەوانە بدەیتەوە کەقسەی ناشرین ئاڕاستەی تورکیا دەکەن، بەڵکو دەبێت وابکەیت ئەوانە پەشیمان بکەیتەوە، ئەوانەی قسەی زۆردەکەن مرۆڤی لاوازن".  

 

میڕاڵ ئاکشنەر، کەبە ژنە ئاسنینیەکە لە تورکیا ناسراوە بە ئەردۆغان دەڵێت:" پیاوی بەتوانا وئازا ناڵێت تۆ ئەی فەرەنسا، ئەی ئەمریکا، ئەی ئیسرائیل، دواتریش لەپشت پەردەوە وەک دۆست مامەڵەیان لەگەڵدا بکات، پیاوی ئازاو بەتوانا داوا لەهاووڵاتیانی وڵاتەکەی ناکات بایکۆتی کاڵای ئەو وڵاتانە بکەن وبەرژەوەندییان بخاتە مەترسییەوە".  

 

 ئاکشنەر، دەشڵێت: "پیاوی بەهێز وبەتوانا بنەماکانی دیموکراسییەت ودادپەروەری وئابوورییەکی تۆکمە بۆ گەلەکەی فەراهەم دەکات".

 

 لە کۆتایشدا ژنە ئاسنییەکەی وتویەتی:" وەڵامدانەوەی ماکرۆن زیاتر هێزی پێ بەخشیوە لەبەردەم گەلەکەیدا، ئەو ڕەفتارەی تۆ واینەکردووە پەشیمان بێتەوە، بەڵکو بە پێچەوانەوە  زیاتر بۆچوونەکانى بەهێزتر کردووە".