گه‌ڕان

Shadow Shadow
سیاسه‌تی

ڕونکردنەوە لەبارەى دۆخى تەندروستى نەجمەدین کەریم دەدرێت

2020.10.28 - 19:11
ڕونکردنەوە لەبارەى دۆخى تەندروستى نەجمەدین کەریم دەدرێت

ناس کورد-

نوسینگەى د.نەجمەدین کەریم رونکردنەوەیەکى لەبارەى دۆخى تەندروستى ناوبراو بڵاوکردەوە و ئاماژە بەوە دەکات د.نەجمەدین وەک هەر هاوڵاتى و مرۆڤێکى ئاسایى توشى جەڵتەى مێشک بووە و بەو هۆیەوە کەوتۆتە نەخۆشخانە.

 

لە رونکردنەوەکەى نوسینگەکەیدا کە وێنەیەکى دەست ناس کورد کەوتووە ئاماژە بەوە کراوە (28ى تشرینى یەکەمى 2020)، بەداخەوە چەند ڕۆژێک بەر لە  ئێستا، بەڕێز دکتۆر نەجمەدین کەریم، وەك هەر هاوڵاتی و مڕۆڤێكی ئاسایی، تووشی جەڵتەی مێشک هات و بەهۆیەوە کەوتە نەخۆشخانە.

 

جەختیش لەسەر ئەوە کراوەتەوە کە تەنها نوسینگەکەی رێگەپێدراوە بە بڵاوکردنەوەی زانیاری لەسەر دۆخی تەندروستی دکتۆر نەجمەدین کەریم .

 

دەقى رونکردنەوەکە:

هاونیشتمانیانی ئازیز....

 

بەداخەوە چەند ڕۆژێک بەر لە  ئێستا، بەڕێز دکتۆر نەجمەدین کەریم، وەك هەر هاوڵاتی و مڕۆڤێكی ئاسایی، تووشی جەڵتەی مێشک هات و بەهۆیەوە کەوتە نەخۆشخانە.

 

وە لە ئێستادا لەژێر جاودێری تیمی پزیشکیدایە،

لێرەوە سوپاسی هەموو ھاونیشتمانان لەکوردستان کەرکوک و ناوچە دابراوەکان دەکەین کە بەپەرۆشتن بۆ تەندروستی دکتۆر نەجمەدین وە  سوپاسی ھەموو ئەو کەسایەتی و سەرکردایەتی لایەنەسیاسیەکان دەکەین لە ھەرێمی کوردستان و کوردستانی باکور و رۆژھەلات و رۆژئاوا کە بەردەوام لە پەیوەندیدان و لە تەندروستی بەڕێز دکتۆر (نەجمەدین کەریم)ـ دەپرسنەوە،

 

هاوکات سوپاسی بەشێک لە دەزگاکانی ڕاگەیاندن دەکەین، کە پیشەییانە مەمەڵەیان لەگەڵ هەواڵی تێکچوونی تەندروستی (دکتۆر نەجمەدین) کردووە و لێرەوەش رایدەگەیەنین، کە تەنها نووسینگەی بەڕێزییان رێگەپێردراوە بە بڵاوکردنەوەی زانیاری لەسەر دۆخی تەندروستی دکتۆر نەجمەدین کەریم .

 

لە کۆتاییدا داواکاریین لە خودای مەزن شیفای بەڕێز دکتۆر نەجمەدین کەریم و هەموو مڕۆڤێکی نەخۆشکەوتوو  لە کوردستان جیهان بدات.

 

نووسینگەی

دکتۆر نەجمەدین کەریم

2020/10/28