ناس کورد-
وەزارەتى دارایى و ئابورى حکومەتى هەرێمى کوردستان راگەیەندراوێکى لەبارەى گەڕاندنەوەى سەدان ملیۆن دینارى مانگانە بۆ خەزێنەى حکومەت بڵاوکردەوە.
کەناڵی ناس کورد لە تێلیگرام جۆین بکە
لەراگەیەندراوێکى وەزارەتى دارایى و ئابورى حکومەتى هەرێمدا کە وێنەیەکى دەست ناس کورد کەوتووە ئاماژە بەوە کراوە (27ى تشرینى یەکەمى 2020)، لەچوارچێوەى جێبەجێکردنى پڕۆژە یاساى چاکسازى و هەموارکردنەوەى لیستى موچەى پلەى شارەزاکان توانراوە مانگانە نزیکەى 350 ملیۆن دینار بگەڕێنرێتەوە بۆ خەزێنەى حکومەت.
بەگوێرەى راگەیەندراوەکە، لە چوارچێوەی جێبەجێكردنی پڕۆژە یاسای چاكسازی، بە دیاریكراوی لە ماددەی 16 و بڕگەی دووەمی یاسای چاكسازی كە تایبەتمەندە بە خانەنشینی، بەرێوبەرایەتی گشتی خانەنشینی سەر بە وەزارەتی دارایی و ئابووری توانیان مانگانە نزیكەی 350 ملیۆن دینار بگەڕێنێتەوە بۆ خەزێنەی حكومەتی هەرێمی كوردستان.
ئاماژە بەوەش کراوە، بەڕێوبەرایەتی گشتی خانەنشینی حكومەتی هەرێمی كوردستان هەستان بە هەمواركردنەوەی لیستی موچەی پلەی شارەزاكان و دوای هەمواركردنەوەیان، توانرا جیاوازی موچەیان بۆ یەك مانگ نزیكەی (350) ملیۆن دینار بگەڕێندرێتەوە بۆ خەزێنەی حكومەتی هەرێمی كوردستان. لە ماددەی 16 و بڕگەی دووەمی یاسایی چاكسازی باس لەوە دەكرێت كە كاربە هیچ دەقێكی یاسایی یان بڕیارێكی ناكۆك لەگەڵ حكومەكانی ئەم یاسایەدا ناكرێت و هەڵوەشاندنەوەی یاسای خانەنشینی خاوەن وەزیفە باڵاكانی هەرێمی كوردستان-عێراق ژمارە (36)ی ساڵی 2004 و جێبەجێكردنی یاسای چاكسازی بەسەریاندا.
