گه‌ڕان

Shadow Shadow
سیاسه‌تی

مەزڵوم کۆبانی لە پەیامێکدا بۆ موسڵمانان بەراوردێک لەنێوان ئەردۆگان و ماکرۆندا دەکات

2020.10.26 - 18:38
مەزڵوم کۆبانی لە پەیامێکدا بۆ موسڵمانان بەراوردێک لەنێوان ئەردۆگان و ماکرۆندا دەکات

ناس کورد-

مەزڵوم کۆبانى، فەرماندەی هێزەکانی سوریای دیموکرات ڕایدەگەیەنێت، سەرۆکى فەڕەنسا هاوکارى موسڵمانەکانى کردووە بۆ پاراستنیان لەدەستى داعش و ئەردۆگانیش کە یارمەتى داعشى داوە ئیسلام بۆ بەرژەوەندییەکانى خۆى بەکاردەهێنێت.

 

فەرماندەی هێزەکانی سوریای دیموکرت لەتوێتێکدا لە تویتەرەکەى کە (دووشەممە 26ى تشرینى یەکەمى 2020) بڵاویکردووەتەوە و ناس کورد بەدواداچوونى بۆ کردووە، ڕایگەیاندووە: "ئیمانوێڵ ماکرۆنى سەرۆکى فەڕەنسا هاوکاری موسڵمانانی کرد بۆ پاراستنیان لەدەستى داعش و ڕۆڵێکى گەورەى هەبوو بۆ لەناوبردنى ئەو رێکخراوە و پاراستنى بەها مرۆییەکان". 

 

ئاماژەى بۆ ئەوەشکردووە؛ "لە بەرامبەردا، ئەردۆگان کە یارمەتى داعشیى دا ئەوا گوزارشت نیە لە هەستى موسڵمانان و دنیاى ئیسلام، ئەردۆگان ئاینى ئیسلام بۆ بەرژەوەندییە تایبەتەکاتى بەکار دەهێنێت."

 

ئەوەش لەکاتێکدایە، ماوەی چەند ڕۆژێکە گرژییەکی ئاینیی لەنێوان وڵاتی فەڕەنسا و موسڵمانانی وڵاتەکە و جیهان دروستبووە و ئەردۆگانی سەرۆکی تورکیاش خۆی وەک پاڵپشتیکەری ئاینی ئیسلام و موسڵمانان بردووەتە ناو گرژییەکەوە.