گه‌ڕان

Shadow Shadow
سیاسه‌تی

لیرەی تورکی گەیشتە نزمترین ئاست

2020.10.26 - 13:33
لیرەی تورکی گەیشتە نزمترین ئاست

ناس کورد-

بەهای لیرەی تورکی پاشەکشەیەکی زۆری کرد و گەیشتە نزمترین ئاست بەجۆرێک هەشت لیرەی تورکی بەرامبەر بە یەک دۆلاری ئەمریکی لەبازاڕەکاندا مامەڵەی پێوەکرا.

 

 

ئاژانسی ڕۆیتەرز بڵاویکردەوە ( 26ی تشرینی یەکەمی 2020)، بەهای لیرەی تورکی دابەزینێکی زۆری بەخۆیەوە دیوە و نزمترین ئاستی تۆمارکردووە بەجۆرێک بەهای یەک دۆلاری ئەمریکی بەرامبەر بەهەشت لیرەی تورکی بووە.

 

ئاماژە بەوەشکراوە، "لەماوەی ئەم ساڵدا لیرە نزیکەی لە 25% بەهاکەی لەدەستداوە ئەوەش بەهۆی کەمبوونەوەی یەدەکی دراوە بیانییەکان لەبانکی ناوەندی ئەو وڵاتە و دەستێوەردانی حکومەت لەبازاری دراو".

 

بڕیاربوو بانکی ناوەندی تورکیا ڕۆژی پێنجشەممەی ڕابردوو و لە ئەنجامی دابەزینى بەهای لیرەدا، نرخی سود بەرزبکاتەوە بۆ نزیکەی 12%، بەڵام  حکومەتی ئەو وڵاتە تائێستا ئەو ڕێکارەی پەیڕەوە نەکردووە و نرخی سود هەروەک خۆی ماوەتەوە کە لە 10%یە.