گه‌ڕان

Shadow Shadow
سیاسه‌تی

باران بارین دەستپێدەكاتەوە

لە سبەینێوە تا شەممە پلەكانی گەرما لە هەموو عێراق دادەبەزێت

2019.05.07 - 12:58
لە سبەینێوە تا شەممە پلەكانی گەرما لە هەموو عێراق دادەبەزێت
ناس كورد- گۆڕانكاری بەسەر كەشوهەوای شارەكانی هەرێمی كوردستان دێت و شارەزایانی كەشناسی عێراق پێشبینی ئەوە دەكەن لە سبەینێوە شەپۆلی باران بارین روو لە سەرجەمی شارەكانی عێراق بكات. . ئەمڕۆ (سێشەممە) سادق عەتییە، شارەزای بواری كەشناسی لە هەژماری تایبەتی خۆی لە تۆڕی كۆمەڵایەتی فەیسبووك، بڵاوی كردەوە "لە سبەینێ (چوارشەممە)وە بەشێك لە ناوچەكانی ناوەڕاست و ڕۆژئاوای عێراق دەكەونە ژێر پاڵەپەستۆیەكی هەوای توندی وڵاتانی ئەوروپا و بەهۆیەوە لە زۆرینەی شارەكانی عێراق پلەكانی گەرمی دادەبەزێت و كەش و هەوایەكی مامناوەند دروست دەبێت و تا ڕۆژی شەممەی داهاتوو بەردەوام دەبێت". . ئەو شارەزا كەشناسییە ئاماژە بەوە دەكات، بە گشتی ئاسمان هەور دەبێت، لەگەڵ بارانی بچڕ بچڕ و كەم و هەندێكجار بوونی هەورە بروسكەش، كە چاوەڕێ دەكرێت لە ئەمڕۆوە لە ناوەڕاست و ڕۆژئاوا و باكوری عێراق دەستپێبكات و درەنگانی شەویش بگاتە ناوچەكانی باشور. . سادق عەتییە جەختدەكاتەوە، دۆخی كەشوهەوای عێراق لە ڕۆژانی داهاتوودا ناجێگیر دەبێت و سەرجەم شارەكانی عێراقیش دەگرێتەوە و بەتایبەتی بەشێوەیەكی چڕ لە شارەكانی نەینەوا و هەولێر و بەشێوەیەكی كەمتریش كەركوك و سلێمانی. . ڕونیشیكردەوە، لە پاشنیوەڕۆی ڕۆژی شەممەی داهاتوو دۆخی كەشوهەوا لە عێراق ئاسایی دەبێتەوە. .