گه‌ڕان

Shadow Shadow
سیاسه‌تی

گۆڕێکى بەکۆمەڵ لە شنگال هەڵدرایەوە

2020.10.24 - 16:21
گۆڕێکى بەکۆمەڵ لە شنگال هەڵدرایەوە

ناس کورد- هەڤاڵ فەتاح

 

بریکاری وەزارەتی شەهیدانی هەرێم ڕایگەیاند، بەهاوبەشی لەگەڵ بەغدا گۆڕێکی بەکۆمەڵی ژنانى کوردى ئێزیدییان لەگوندی کۆچۆ هەڵدراوەتەوە.

 

بەرەڤان حەمدی لە لێدوانێکدا بەناس کوردی ڕاگەیاند ( 24ی تشرینی یەکەمی 2020) وتى "ئەو گۆڕەی کەئەمڕۆ هەڵدراوەتەوە لەچوارچێوەی ئەو 71 گۆڕە بەکۆمەڵەیە کە پێشتر دۆزراونەتەوە و پەرژین کراون، بەڵام بەهۆی ناڵەباری دۆخی ئەمنی  ناوچەکە کاری کنە و پشکنین وهەڵکۆڵێنی تێیدا نەکراوە".

 

وتیشى "تیمێکی هاوبەشی  پسپۆڕی وەزارەتی شەهیدان و حکومەتی عێراقی بە هەماهەنگی چەند ڕێکخراوێکی نێودەوڵەتی کاری هەڵدانەوەی ئەو گۆڕانە دەکەن".

 

هاوکات حکومەتی عێراق (24ی تشرینی یەکەم) ڕایگەیاند، دەستیانکردووە بە هەڵدانەوەی یەکەم گۆڕی بە کۆمەڵی ژنانی ئێزدی کە ساڵی 2014 لەلایەن داعشەوە کوژراون و بە کۆمەڵ نێژراون.

 

گۆڕەکە 75 روفاتى تێدایە کە بە هاوبەشى لەلایەن هەرێم و عێراقەوە هەڵدەدرێتەوە.