گه‌ڕان

Shadow Shadow
سیاسه‌تی

پێنج کەس بە چەند کیلۆیەک مادەی هۆشبەرەوە دەستگیرکران

2020.10.24 - 14:24
پێنج کەس بە چەند کیلۆیەک مادەی هۆشبەرەوە دەستگیرکران

ناس کورد-

بەڕێوبەرايەتی نەھێشتنی ماددە ھۆشبەرەكان دەستگیرکردنی پێنج کەسی بە تۆمەتی مامەڵەكردن و بەكارھێنانی ماددەی ھۆشبەر ڕاگەیاند کە نزیکەی سێ کیلۆگرام ماددەی هۆشبەریان پێبووە.

 

لە راگەیەندراوێكدا بەڕێوبەرايەتی نەھێشتنی ماددەھۆشبەرەكان (شەممە 24ی تشرینی یەکەمی 2020) راگەیاند: "لە  بەردەوامی هەڵمەتەکانمان بۆ بەرەنگاربوونەوەی نەهێشتنی ماددەهۆشبەرەکان و پاراستنی ئاسایشی هەرێمی کوردستان، لەلایەن هێزەکانی ئاسایشی هەولێر توانرا دەستبگیرێت بەسەر بڕی دوو کیلۆ و 846 گرام  ماددەی هۆشبەر لەگەڵ دەستگیرکردنی پێنج تۆمەتبار".

 

ڕاگەیەندراوەکە بەمشێوەیە ڕوونکردنەوەی لەسەر چالاکییەکە داوە:

 1ـ دەستبەسەرداگرتنی بڕی ( 1،760 ) یەك کیلۆ و حەوت سەد و شەست گرام ماددەی هۆشبەر لەجۆری  ( هێرۆین ) لەگەڵ دەستگیرکردنی تۆمەتبارێك بەناوی ( هـ ـ خ ـ ر ).

 

2ـ  دەستبەسەرداگرتنی بڕی ( 1 ) یەك کیلۆ گرام ماددەی هۆشبەر لەجۆری ( کریستاڵ ) لەگەڵ دەستگیرکردنی ( ۲ ) دوو تۆمەتبار بەناوەکانی(و ـ ع ـ ح ) و ( ش ـ ك ـ ح ).

 

3- دەستبەسەرداگرتنی بڕی ( 86 ) هەشتا و شەش گرام ماددەی هۆشبەر لەجۆری ( کریستاڵ ) لەگەڵ دەستگیرکردنی ( 2 ) دوو تۆمەتبار بەناوەکانی(ع ـ ر ـ ع) و ( ص ـ م ـ ر ).

viber_image_2020-10-24_13-19-48.jpg

ئاماژەی بەوەشكردووە، تۆمەتبارەکان بەپێی ماددە ( 14 ) یاسای ماددە هۆشبەرکان دراونەتە دادگا.