گه‌ڕان

Shadow Shadow
سیاسه‌تی

هاوسەرۆکی یەکێتی دەربارەی دۆخی سلێمانی: کەمتەرخەمی لە کەس قبوڵ ناکەین

2020.10.22 - 16:07
App store icon Play store icon Play store icon
هاوسەرۆکی یەکێتی دەربارەی دۆخی سلێمانی: کەمتەرخەمی لە کەس قبوڵ ناکەین

ناس کورد-

بافڵ تاڵەبانی ھاوسەرۆکی یەکێتیی نیشتمانیی کوردستان ڕایگەیاند، لە سیاسەتی یەکێتیدا سلێمانی سەنتەری گۆڕانکاری و خزمەتکردن و گەیاندنی دەستی ئاوەدانی زیاتر دەبێت و کەمتەرخەمی لەھیچ کەسێک لەبەرامبەر خزمەتکردنی سلێمانی قبوڵناکرێت.

کەناڵی ناس کورد لە تێلیگرام جۆین بکە   

 

ئەمڕۆ پێنجشەممە 22ی تشرینی یەکەمی 2020، بافڵ تاڵەبانی، هاوسەرۆکی یەکێتیی نیشتیمانیی کوردستان، لەبارەگای مەکتەبی سیاسی لەگەڵ مەڵبەندی سلێمانی کۆبووەوە.

 

بەگوێرەی ڕاگەیەندراوی کۆبوونەوەکە، لە کۆبوونەوەکەدا بافڵ تاڵەبانی لەسەر گۆڕانکاری و پێشھاتە سیاسی و ئەمنییەکان لەسەر ئاستی ھەرێم و عێراق و ناوچەکە بەرچاوڕوونیدا بە ئامادەبووان و سیاسەتی یەکێتی بۆ کۆی ھاوکێشەکان خستەڕوو .

 

ئاماژە بەوەشكراوە، لەبارەی سیاسیەتی نوێی یەکێتی بۆ کاری رێکخراوەیی و پێداچوونەوە بەکۆی جومگەکان و ئاڕاستە سیاسی و خزمەتگوزارییەکان ھاوسەرۆک دووپاتی لە سیاسەتێکی نوێ کردەوە بۆ بەڕێوەبردن و گەشەپێدانی ئۆرگانەکان و خزمەتکردنی کۆمەڵانی خەڵک.

 

لە ڕاگەیەندراوەکەدا ئەوەش هاتووە، بۆ سلێمانیش بافڵ تاڵەبانی تەئکیدیکردەوە: " سلێمانی سەنتەری گۆڕانکاری و خزمەتکردن و گەیاندنی دەستی ئاوەدانی زیاتر دەبێت و نوێنەرەکانیشمان لەحکومەتی خۆجێیی راسپاردووە بەگڕوتینێکی نوێوە خزمەتبکەن و کەمتەرخەمی لەھیچ کەسێک لەبەرامبەر خزمەتکردنی سلێمانی قبوڵناکرێت و ئیتر لەمەودواش سیاسیەتی پاداشت و سزا پەیڕەودەکەین و کەسی شیاو سەرکەوتوو دەھێنینە پێشەوە."