گه‌ڕان

Shadow Shadow
سیاسه‌تی

تورکیا؛ بڕیاردرا هەڵبژاردنی شارەوانی ئەستەنبوڵ دووبارەبكرێتەوە

2019.05.06 - 20:06
App store icon Play store icon Play store icon
تورکیا؛ بڕیاردرا هەڵبژاردنی شارەوانی ئەستەنبوڵ دووبارەبكرێتەوە

کەناڵی ناس کورد لە تێلیگرام جۆین بکە   

ناس كورد- میدیاکانى تورکیا ڕایانگەیاند، ئەنجومەنی باڵای هەڵبژاردنەكانی توركیا بڕیاریدا بە دووبارەکردنەوەى هەڵبژاردنی شارەوانی شاری ئەستەنبوڵ، ئەوەش پاش چاوخشاندنەوەى ئەو ئەنجومەنە هات بە سکاڵاکانى ئاکەپە.   ئاژانسی ئانادۆڵۆى تورکى بڵاوى کردەوە، ئەنجومەنی باڵای هەڵبژاردنەكان دوای چاوخشاندنەوە بەو تانانەى پارتی داد و گەشەپێدان (ئاکەپە) پێشكەشی ئەنجومەنەكەی كردبوون، بڕیاریدا بە دووبارەکردنەوەى هەڵبژاردنى شارەوانى ئەستەنبوڵ، بەوەش ئاکەپە داواکەى بردۆتەوە.   ئاماژە بەوەشکراوە، گرنگترین خاڵى نێو ئەو پێشێلكاریانەی كە حزبەكەی ئەردۆگان تانەى لەبارەوە دابوون، بریتی بوو لە "تێوەگلانى 43 لێپرسراوی هەڵبژاردنەكانى تورکیا بە بوونى پەیوەیندی لەگەڵ فەتحوڵا گویلەن، کە لە لایەن تورکیاوە داواکراوە". ئەنجومەنەکە ئەوەشی ڕاگەیاندووە، بڕیاریانداوە لە بەروارى 23/6/2019 هەڵبژاردنى شارەوانى ئەستەنبول دووبارە بەڕێوەدەچێت. لە هەڵبژاردنەكانی 31 ئاداری 2019 حزبی گەلی كۆماری ئۆپۆزسیۆنى تورکیا توانی پاش 25 ساڵ، سەركەوتن لە ئەستەنبوڵ بەدەست بهێنێت و سەربكەوێت بەسەر پاڵێوراوەکەى ئاكەپەدا، کە بردنەوەى گەورەترین شارەوانى ئەو وڵاتە بوو، بەڵام ئاکەپە هەر زوو تانەى لە هەڵبژاردنى شارەوانى ئەو شارە دا.