گه‌ڕان

Shadow Shadow
سیاسه‌تی

ڕۆیتەرز: ئەو شەوە كازمی بۆی دەركەوت چەند دۆستی كەمە

2020.10.22 - 00:03
ڕۆیتەرز: ئەو شەوە كازمی بۆی دەركەوت چەند دۆستی كەمە

ناس کورد- 

راپۆرتێكی ئاژانسی رۆیتەرز نهێنییەكانی شەوی هەڵكوتانە سەر ناوچەی سەوزی لەلایەن میلیشیاكانەوە ئاشكراكردو دەڵێت "سەرەنجامی لێكۆڵینەوە لەو روداوە دەریخست بۆ مستەفا كازمی چەندە دۆستی كەمە". 

 

راپۆرتەكە كە "ناس كورد" خوێندنەوەی بۆ كردووە (21 تشرینی یەكەمی 2020)، باس لەوە دەكات چەكدارانی حیزبوڵڵا توڕەبوون لە دەستگیركردنی هاوەڵەكانیان بەتۆمەتی هاویشتنی ڕۆكێت بۆ ناوچەی سەوز و دانانیان لە گرتووخانەی ئەوێ، هەر لەم میانەیەشدا سەركردەیەكی عێراقی نزیك لە ئێران فەرمانیكردوە بە لیوا شەهاب خەیكانی كە رێگری نەكات لە چوونە ناوەوەی چەكدارەكان بۆ ناوچەی سەوز. 

 

راپۆرتەكە لەزاری سەرچاوە عێراقییەكانەوە هێماى بۆ ئەوەكردوە، سەركردەيەكى گەورەى عێراق هۆشدارى داوە بە خاقانى كە پێدادان دەرگاى دۆزەخ دەكاتەوە لەنێوان ميليشياكان و ئەو هێزانەى ناوچەكە دەپارێزن.

 

بەرپرسانى ئەمنى و سەرچاوەكانى لە ميليشياكانەوە جەختیان لە پەيوەنديەكە كردوەتەوە و وتويانە، ئەو شەوە سەركردەى ميليشياكان بە خيكانييان وتوە خۆى لە هەر ڕوبەڕوبونەوەيەك لەگەڵ هێزە نيمچە سەربازيەكاندا بپارێزێت.

 

دوو بەرپرسى ئەمنى بە ڕۆيتەرزيان وتوە، كازمى ئەو شەوە لەناوچەى سەوز بووە و دواى دوو هەفتە ئاگادارى پەيوەندييە تەلەفۆنيەكان بووە و تووشى شۆك بووە دواى ئەوەى هێزى ڕكابەرەكانى بۆ دەركەوتووە، بۆ كشانەوەى چەكدارانى ميليشياکان كازمى ناچار پەناى بۆ ڕكابەرەكانى بردوە و پەيوەندى بەو سەركردە گەورەیە کردووە كە نزيكە لە ئێرانەوە هەر ئەويش بە كازمى وتوە داواى لە خيكانى كردوە ئەو شەوە جوڵە نەكات.

 

ئەوەش هاتوە، دواى تەواوبونى لێكۆڵينەوەكان كازمى سەركردە ئەمنيەكانى لەكار دورخستوەتەوە و هەڵمەتێكى گۆڕينيانى دەستپێكردوە، ئەو پەيوەنديانەى گوێيان لێگرتوە بڕواى بە كازمى هێناوە كە سەرەڕاى پشتگيرى ئەمريكا ناتوانێت متمانە بە هێزە عێراقيەكان بكات بۆ وەستاندنى ميليشياكانى نزیک لە ئێران كە لە دەرەوەى نوسينگەكەى بڵاوبونەتەوە.