گه‌ڕان

Shadow Shadow
سیاسه‌تی

عێراق: تاکلایەنانە بڕیار لەسەر پڕکردنەوەى بۆشایی نەوتی ئێران نادەین

2019.05.06 - 13:36
App store icon Play store icon Play store icon
عێراق: تاکلایەنانە بڕیار لەسەر پڕکردنەوەى بۆشایی نەوتی ئێران نادەین

کەناڵی ناس کورد لە تێلیگرام جۆین بکە   

ناس كورد – وەزیرى نەوتی عێراق ڕایگەیاند، بە هیچ شێوەیەک تاکلایەنانە بڕیار نادەن بۆ پڕکردنەوەى ئەو بۆشاییەى کە بەهۆى سفرکردنی هەناردەى نەوتی ئێران لە بازاڕەکانى جیهاندا دروست دەبێت. سامر غەزبان، وەزیرى نەوتی عێراق لە میانی سەردانێکیدا بۆ قەتەر ڕایگەیاند، "بڕیاری زیادکردن یان کەمکردنی ئاستى بەرهەمهێنان و هەناردەکردنی نەوت بە کۆی دەنگی ئەندامانی ڕێکخراوی ئۆپێک دەبێت." دەشڵێت، ڕۆژی 19ی ئەم مانگە وڵاتانى ئەندام لە ڕێکخراوی ئۆپێک لە سعودیە کۆدەبنەوە بۆ تاوتوێکردنی بارودۆخی بازاڕی نەوتی جیهان لەسەر ڕۆشنایی ئەو ڕاپۆرتانەى لەلایەن لیژنە وەزارییەکانەوە پێشکەش دەکرێن. سامر غەزبان وتیشى، عێراق پابەند دەبێت بە ڕێككەوتنی كەمكردنەوەی بەرهەمهێنانی نەوت  كە لە ساڵی 2018دا لەلایەن ئەندامانی ڕێكخراوەکەوە واژۆ کراوە. ئاماژەی بەوەشكرد "عێراق نایەوێت جارێكی تر نرخی نەوت ناجێگیر بێت و دەیەویت هاوسەنگی بۆ نرخی نەوت دروست ببێت."