گه‌ڕان

Shadow Shadow
سیاسه‌تی

هۆکارى دواکەوتنى سەرژمێرى ئاشکراکرا

2020.10.20 - 15:13
App store icon Play store icon Play store icon
هۆکارى دواکەوتنى سەرژمێرى ئاشکراکرا

ناس کورد-

وەزیری پلاندانی عێراق ڕایگەیاند، بەهۆی بڵاوبوونەوەی ڤایرۆسی کۆرۆنا و قەیرانی  ئابوری، سەرژمێری گشتی دانیشتوانی عێراق دواخراوە بۆ ساڵی داهاتوو.

 

کەناڵی ناس کورد لە تێلیگرام جۆین بکە   

خالید بەتال، وەزیری پلاندانی عێراق لەڕاگەیەندراوێکدا کە وێنەیەکی دەست ناس کورد کەوتووە ڕایگەیاند (20ى تشرینی یەکەمی  2020)، " بەهۆی ئەو بارودۆخە ناڵەبارەی کە لەئێستادا جیهان وعێراق پێیدا گوزەر دەکات پێویست بەوە دەکات هەمووان هەوڵەکانیان یەک بخەن لەپێناو ڕاماڵینی ئاستەنگییەکان و کەمکردنەوەی لێکەوتەی ئەو دوو قەیرانە بۆ سەر کۆمەڵگای عێراق".

 

بەگوێرەی ڕاگەیەندراوەکە، وەزیری پلاندان ڕوونیکردووەتەوە، "ڕۆڵی ئامار و داتا لەم دۆخەدا زۆر گرنگە، چونکە دەتوانین لە ڕێگەیانەوە ڕوبەڕوی خێرای قەیران و کێشەکان ببینەوە لەسەر ئاستی کۆمەڵایەتی و ئابوری، داتا ڕاستەقینەکان دادپەروەری کۆمەڵایەتی فەراهەم دەکەن و ئابوری وڵاتیش دەخەنەوە سەر ڕێچکەی ڕاستەقینەی خۆی".

 

وەزیری پلاندانی عێراق ئەوەشی وتووە، " بڵاوبوونەوەی ڤایرۆسی کۆرۆنا و ئەو قەیرانە ئابووری وداراییەی کە لە ئێستادا دووچاری عێراق بووەتەوە ناچاری کردووین پڕۆسەی سەرژمێری گشتی دانیشتوانی عێراق دوابخەین بۆ ساڵی ئایندە".