گه‌ڕان

Shadow Shadow
سیاسه‌تی

وەزارەتی ناوخۆ کامێراى چاودێرى زیاتر جێگیر دەکات

2020.10.20 - 14:40
وەزارەتی ناوخۆ کامێراى چاودێرى زیاتر جێگیر دەکات

ناس کورد-

وەزارەتی ناوخۆی عێراق ڕایگەیاند، لەڕێگەی سیستمی چاودێریکردنی کامێراکانەوە توانیویانە بەشێکی زۆر لەتاوان و ڕووداوەکان ئاشکرا بکەن، بۆیە لەئێستادا ئەوان بە گرنگییەوە دەڕواننە بەرەوپێشبردنی ئەو بوارە.

 

وەزارەتى ناوخۆى عێراق راگەیەندراوێکى بڵاوکردەوە و تیایدا هاتووە (20ی تشرینی یەکەمی 2020) "وەزارەتی ناوخۆ بەردەوام دەبێت بەگرنگیدان بەتەواوکردنی پڕۆژەکانی سیستمی چاودێری لەڕێگەی کامێراکانەوە لە هەموو ناوچەکانی عێراق".

 

ئاماژە بەوەشکراوە، " لەڕێگەی سیستمی چاودێریکردنی کامێراکانەوە توانیومانە بەشێکی زۆر لەتاوان و ڕووداوەکان ئاشکرا بکەین، بۆیە لە ئێستادا بە گرنگییەوە دەڕوانینە بەرەوپێشبردنی ئەو بوارە، چونکە ئەگەرئەو سیستمە نەبوایە پێدەچووە ڕێژەیەکی زۆرلە تاوانەکان بەنادیاری وتەمومژاوی دژ بە کەسانی نادیار تۆمار بکرێت".  

 

 ئەوەشخراوەتە ڕوو، " لێکۆڵەرە عێراقییەکان  توانیویانە لەڕێگەی ئەو کامێرانەوە  بەوردی سەرەداوی  تاوانەکانیان دەست بکەوێت و شوێنی حەشاردانی تاوانبارەکانیش بە ئاسانی بدۆزنەوە".