گه‌ڕان

Shadow Shadow
سیاسه‌تی

هەڵوێستێک لە یەکێتییەوە دژى حکومەت: غەدراندنی بە ئەنقەستى سلێمانى

2020.10.19 - 18:49
هەڵوێستێک لە یەکێتییەوە دژى حکومەت: غەدراندنی بە ئەنقەستى سلێمانى

 

ناس کورد-

 

ئەندامانى سەرکردایەتى یەکێتى لە سنورى سلێمانى کۆبوونەوە و جەختیان کردەوە لەسەر ئەوەى جیاوازى دەکرێت لە دابینکردنى بودجە بۆ پڕۆژەکانی سنورەکە لەگەڵ هەولێر و بادینان.

 

بێستون سابوراوایی ئەندامى سەرکردایەتى یەکێتى و بەشداربووى کۆبوونەوەکە (19ی تشرینی یەكەمی 2020) لە هەژمارى خۆى لە فەیسبووک نوسیویەتى، لەکۆبوونەوەکەدا چەندین تەوەریان تاوتوێکردووە کە یەکێکیان "جیاوازیەکانی تەخسیساتی دارایی بۆ پڕۆژەکانی ئەم سنورە لەگەڵ ئەوەی بۆ هەولێر و بادینان دەکرێت و غەدراندنی ئەم دەڤەرە بە ئەنقەست".

 

دەشڵیت "شێلگیرانە بەدوای بەهەدەردانی داهاتی نەوت و دەروازە سنوریەکان و هەموو داهاتەکانی تردا دەگەڕێین و سەرسەختانە کار دەکەین بۆ گێڕانەوەی ئەو داهاتانە بەهەموو شێوازە گونجاوە بەردەستەکان".

 

بێستون سابوراوایی باسى لەوەشکردووە "گلەیی و ڕەخنەکانی جەماوەر لەڕووی کەمتەرخەمی حکومەت لە دابینکردنی لانی کەمی ئاستی گوزەران هەمووی لەجێی خۆیەتی و دەبێت پشتیوانی تەواوی داواکانیان بکەین".