ناس کورد-
بەڕێوەبەرایەتی فریاکەوتنی بەغدای پایتەخت ڕایگەیاند، هەوڵەکانی گەڕان بەدوای تەرمی ئەو منداڵەی دایکیان فڕێی دانە ڕووباری دیجلە بەردەوامە و ئەوەى بڵاوکراوەتەوە لەبارەى دۆزینەوەیان تەرمەکانیان ناڕاستە.
کەناڵی ناس کورد لە تێلیگرام جۆین بکە
بەڕێوەبەرایەتییەکە لە ڕاگەیەنراوێکدا (19ی تشرینی یەکەمی 2020) دەڵێت، "لەسەر ڕاسپاردەی عوسمان غانمیی وەزیری ناوخۆ، تیمەکانمان بەردەوامن لە گەڕان بەدوای تەرمی ئەو دوو منداڵەدا."
دەشڵێت، "تاوەکو ئامادەکردنی ئەم ڕاگەیەنراوە، هەوڵ و گەڕان بەردەوامە و ئەوەى لە ڕاگەیاندن و تۆڕە کۆمەڵایەتییەکاندا بڵاوبووەتەوە لەبارەى دۆزینەوەى تەرمەکانیان ڕاست نییە و ئەو وێنەیەی بڵاوکراوەتەوە هی ئەوان نین."
لاحول ولاقوة الا بالله
— سكوتي يولد بركان (@xkw2EClCDTkoO9B) October 17, 2020
الى اين نحن ذاهبون
ام ترمي اطفالها في نهر دجلة من فوق جسر الكاظمية pic.twitter.com/cUcFCef84o
باسی لەوەشکردووە، "وەزارەتی ناوخۆ سورە لەسەر پێدانی زانیاری تەواو بە هاوڵاتیان لەبارەى ڕووداوەکەوە، هەرکاتێکیش زانیاری نوێ هەبوو، بە وردی دەیخەینە بەردەستی هاوڵاتیان."
دوو ڕۆژ لەمەوپێش (17ی تشرینی یەکەمی 2020)، پۆلیسی عێراق ڕایگەیاند، ژنێک بەهۆی بوونی ناکۆکی لەگەڵ مێردەکەى، هەردوو منداڵەکەى لەسەر پردی ئەئیمەوە فڕێ داوەتە ناو ڕووباری دیجلە، پاشان بووە هۆی دروستبوونی ناکۆک و کیشەى زیاتر.
بسبب خلاف مع طليقها.. امرأة تقذف طفليها من جسر الأئمة في بغداد بنهر دجلة !!
— Yarub M 🇮🇶 (@YmYarub) October 17, 2020
الله يستر شبيها الناس !!!!! pic.twitter.com/AKqZHNTDyq
بەپێی قسەى سەرچاوەیەک لە پۆلیس، کاتێک ناکۆکی و شەڕ لە ماڵی ئەو ژنەدا دروستبووە، ژنەکە دەستی منداڵەکانی گرتووە و بەپەلە لە ماڵەوە چووەتەدەرەوە، پاشان چووەتە سەر پردی ئەئیمە و یەکە یەکە منداڵەکانی خستووەتە ناو ڕووبارەوە" و باسی لەوەشکرد کە "تەمەنی یەکێک لە منداڵەکان سێ ساڵ بووە و ئەوی تریان دوو ساڵ."
ئەو ڕووداوە شەقامی عێراقی هەژاند و لە تۆڕە کۆمەڵایەتییەکان وێنەی دوو منداڵ بڵاوکرایەوە کە گوایە تەرمی ئەو دوو منداڵەن و دۆزراونەتەوە، بەڵام پۆلیس ڕەتی کردەوە.