گه‌ڕان

Shadow Shadow
سیاسه‌تی

وەزارەتى پێشمەرگە گرنگترين ئەركەكانى ناوەندە هاوبەشەكان ئاشكرا دەكات

2020.10.18 - 00:05
App store icon Play store icon Play store icon
وەزارەتى پێشمەرگە گرنگترين ئەركەكانى ناوەندە هاوبەشەكان ئاشكرا دەكات

ناس کورد-

وەزارەتى پێشمەرگە ئاشكرايكرد، يەكێك لە گرنگترين ئامانجەكانى ناوەندى هاوبەشى نێوان هێزەكانى پێشمەرگە و سوپاى عێراق ئاڵوگۆڕكردنى داواكراوانە لەنێوان بەغدا و هەولێر.

کەناڵی ناس کورد لە تێلیگرام جۆین بکە   

 

جەبار ياوەر، ئەميندارى گشتى وەزارەتى پێشمەرگە، (شەممە 17ى تشرينى يەكەمى 2020)  بە ئاژانسى هەواڵى فەرمى عێڕاقييەى وتووە، ئامانجى دروستكردنى ناوەندى هاوبەش لەنێوان هێزەكانى پێشمەرگە و سوپاى عێراقى بۆ هەماهەنگى و كارى سەربازييە لەنێوان هەردوولا، چونكە هەرلايەنێك پرۆسەى سەربازى جياوازى ئەنجام دەدات و هەماهەنگى نەبووە .

 

ڕونيشيكردوەتەوە، ئەركى ناوەندەكان ڕێكخستنى پرۆسەى سەربازى و ئاڵوگۆڕكردنى زانيارى هەواڵگرييە دەربارەى جوڵەكانى داعش كە لەناوچەكانى ديالە و خورماتوو و كەركوك و مەخمور و قەرەچۆغ و چەند ناوچەيەكى موسڵ زياديان كردووە.

 

جەبار ياوەر جەختيشيكردوەتەوە، لە ئەركەكانى تر بريتين لە رێكخستنى كارى هاوبەشى نێوان وەزارەتى پێشمەرگە و وەزارەتى بەرگرى فيدراڵى و سەركردايەتى پرۆسە هاوبەشەكان و ڕێكخستنى جوڵەى هێزەكانى پێشمەگەر و سوپاى عێراق لە خاڵەكانى پشكنين لەو ناوچانە.

 

تەئكيديشى كردوەتەوە، گرنگترين ئامانجەكانى ئەو ناوەندانە ئاڵوگۆڕكردنى داواكراوە لەنێوان هەرێم و ناوەند.