گه‌ڕان

Shadow Shadow
سیاسه‌تی

ڤیدیۆ؛ لایەنگرانی حەشدی شەعبی ئاڵای کوردستان و وێنەی هۆشیار زێبارییان سوتاند

2020.10.17 - 09:39
App store icon Play store icon Play store icon
ڤیدیۆ؛ لایەنگرانی حەشدی شەعبی ئاڵای کوردستان و وێنەی هۆشیار زێبارییان سوتاند

ناس کورد-

لایەنگرانى حەشدى شەعبى بۆ ناڕەزایەتى دەبڕین چوونە بەردەم بارەگای لقی پارتى لە بەغدا و بۆ پاراستنى ئەو بارەگاکەش هێزێکی زۆری چالاکە مەدەنییەکان بەوێ جێگیرکراون، لایەنگرانی حەشد ئاڵای کوردستان و وێنەی هۆشیار زێبارییان سوتاند.

کەناڵی ناس کورد لە تێلیگرام جۆین بکە   

 

بەپێى گرتە ڤیدیۆیەک کە دەستى ناس کورد کەوتووە، لایەنگرانی حەشدی شەعبی لە بەردەم بارەگاکە ئاڵای کوردستان و وێنەی هۆشیار زێباری، وەزیری پیشووتری دارایی عێراقیان سوتاند.


هاوکات بۆ پاراستى بارەگاکانى پارتى لەبەردەم توڕەى لایەنگرانى حەشدى شەعبیدا، مستەفا کازمى، سەرۆک وەزیرانى عێراق هێزى بەرەنگاربوونەوەى گێرەشێوێنى ڕەوانەى بەردەم بارەگاکانى ئەو حزبە لە بەغدا کرد.

خۆپیشاندەران دروشم لەدژى پارتى دەڵێنەوە  و ئیدانەى لێدوانەکەى ئەو بەرپرسەى پارتى دەکەن.

 

توڕەبونى لایەنگرانى حەشدى شەعبى دواى ئەوە هات، هۆشیار زێبارى وەزیرى لەسەر کارلابراوى دارایى عێراق لەمیانەى چاوپێکەوتنێکى تەلەفزیۆنیدا ئەوەى ڕاگەیاند:" ئەو گروپانەى هێرشیان کردە سەر هەولێر هەر ئەو گروپانەن کە لەبەغدا هێرش دەکەنە سەر دیپلۆماتکاران "