گه‌ڕان

Shadow Shadow
سیاسه‌تی

هۆشداری لە سەرهەڵدانی وشکەساڵی دەدرێت

2020.10.15 - 18:29
هۆشداری لە سەرهەڵدانی وشکەساڵی دەدرێت

ناس کورد-  

توێژینەوەیەکی نوێ ئاشکرایکرد، بەهۆی قەتیس بوونی گەرمی لەسەر ڕووی زەوی  لەماوەی ڕابردوودا، زەریای ئەتلەسی زۆرترین ڕێژەی گەرمی گرتووەتە خۆی، بەجۆرێک لە ماوەی دوو هەزار و 900  ساڵی ڕابردوودا هاوشێوەی نەبووە و ئەوەش دەبێتەهۆی سەرهەڵدانی وشکەساڵی.

 

بەگوێرەی توێژینەوەیەکی تیمێکی حکومی نێودەوڵەتی تایبەت بە گۆڕانکاری کەش کە لە گۆڤاری" Proceedings of the National Academy of Sciences " بڵاوکراوەتەوە، تیایدا دەرکەوتووە: " پلەی گەرمی سەر ئاوەکانی زەریای ئەتلەس لە ماوەی ڕابردوودا زۆر بەرزبووەتەوە بەجۆرێک بەدراێژی دوو هەزار و 900 ساڵی ڕابردوو هاوشێوەی نەبووە  و ئەو زەریایە لە 93%ی ئەو گەرمییەی گرتووەتە خۆی".

 

 توێژینەوەکە کە چەندین زانا لە وڵاتی ئەمریکاو کەندا بەشداریان تێیدا کردووە ئەوەی ڕوونکردووەتەوە: "بەرزبوونەوەی پلەی گەرمی سەر ئاوەکانی زەریای ئەتەڵەسی بەشێوەیەکی زۆر مەترسیدار کاریگەری دەکاتە سەرکەشی نیوەی گۆی باکوری زەوی".

 

بەگوێرەی توێژینەوەکە: " ئەو حاڵەتە کاریگەریشی دەبێت بۆسەر جەمسەری بەستەڵەکی باکور و دەشبێتە هۆی سەرهەڵدانی وشکەساڵی و هەڵکردنی زریانەکان و گەردەلولەکان لەسەر ڕووی زەوی ".