گه‌ڕان

Shadow Shadow
چیرۆكه‌كانمان

لە 11 شوێنی جیاواز یادی نۆ ساڵەی تیرۆری سەردەشت عوسمان دەکرێتەوە

2019.05.04 - 18:15
App store icon Play store icon Play store icon
لە 11 شوێنی جیاواز یادی نۆ ساڵەی تیرۆری سەردەشت عوسمان دەکرێتەوە

کەناڵی ناس کورد لە تێلیگرام جۆین بکە   

    ناس کورد- . لە 11 شار و وڵاتی جیاوازی ناوەوە و دەرەوەی کوردستان یادی تیرۆری ڕۆژنامەنووس سەردەشت عوسمان دەکرێتەوە. .   سبەینی 5ی ئایار، نۆ ساڵ تێدەپەڕێت بەسەر تیرۆرکردنی ڕۆژنامەنووس سەردەشت عوسمان، بۆ ئەو مەبەستەش لە چەندین شاری هەرێمی کوردستان و وڵاتانی ئەوروپا مەراسیمی تایبەت ڕێکدەخرێت. .   لە شاری هەولێر و لەسەر گڵگۆکەی، کاتژمێر چواری ئێوارە خانەوادەی سەردەشت عوسمان مەراسیمێک ڕێکدەخەن. لە شاری سلێمانیش دوو مەراسیم بۆ ئەو یادە ڕێکدەخرێت، لەبەردەم کەمپی تازەی زانکۆی سلێمانیدا لە کاتژمێر 10:30 خولەکی بەیانی، هەروەها لە ئەفەنی کافێ لە کاتژمێر 3:00ی ئێوارەدا. .   لە شاری کەرکوکیش لە فرێندس کافێ و لە باخی گشتی ڕانیەش لە کاتژمێر 4:00ی ئێوارەدا بەهەمان شێوە مەراسیم بۆ ساڵیادی تیرۆری سەردەشت عوسمان ڕێکدەخرێت. .   لەشاری کەلاریش لە کاتژمێر 9:30 خولەکی شەودا لە چایخانەی میللەت بۆ هەمان یاد مەراسیمێک ساز دەکرێت. .   هاوکات لە هەریەک لە وڵاتانی بەلجیکا، سوید، بەریتانیا و کەنەدا بەشێوازی جیاواز یادی تیرۆری سەردەشت عوسمان دەکرێتەوە. .   لە ڕۆژی 5ی ئایاری 2010، سەردەشت عوسمانی 23 ساڵ بە تیرۆرکراوی لەسەر ڕێگای هەولێر-موسڵ دۆزرایەوە، ئەوەش دوای ئەوەی دوو ڕۆژ پێشتر لەبەردەم زانکۆی سەڵاحەدین لە شاری هەولێر ڕفێندرابوو. .   .