ناس کورد-
دوو پەرلەمانتارى کورد لە پەرلەمانى عێراق پۆستەرى دەستگیرکراوانى ناو هەرێمى کوردستانیان لەناو پەرلەمان بڵاوکردەوە و هەڵمەتێکیان بۆ پشتیوانیکردن لە "دەستگیرکراوان و ڕفێنراوان"ى پارێزگاى دهۆک، ڕاگەیاند.
کەناڵی ناس کورد لە تێلیگرام جۆین بکە
هەریەک لە سەرکەوت شەمسەدین و غالب محەمەد پەرلەمانتارانى عێراق راگەیەندراوێکى هاوبەشیان بڵاوکردەوە و ئاماژەیان بەوە کرد کە وەک هەنگاوى یەکەم و بەشێک لە هەڵمەتی پشتیوانیکردنی "دەستگیرکراوان و رفێنراوانی پارێزگای دهۆک"، هەڵمەتی هۆشیارکردنەوەی پەرلەمانتارانیان دەستپێکرد و وێنە و ناوی دەستگیرکراوانی بادینانیان لە ناو پەرلەمان و سەرۆکایەتی پەرلەمان بڵاوکردەوە.
بەگوێرەى راگەیەندراوەکە، هاوسۆزییەکی زۆری پەرلەمانتاران هەبووە لەسەرجەم کوتلەکان جگە لە پارتی.
ئاماژەشیان بەوە کردووە کە لە کۆنگرەیەکی رۆژنامەوانی هاوبەشدا بە هەرسێ زمانی کوردی و عەرەبی و ئینگلیزی بەیانێکیان بڵاوکردەوە و کۆمەڵگەی نێودەوڵەتی و پەرلەمانیان خستۆتە بەردەم بەرپرسیاری و فشارەکانیان لەو بارەیەوە دەستیپێکردووە.
