گه‌ڕان

Shadow Shadow
سیاسه‌تی

لە چیرۆكەكانی ئامادەكردنی لیستی موچە.. ’’فەرمانبەر هەیە پارەی بەنزینی پێ نییە’’

2020.10.14 - 15:53
لە چیرۆكەكانی ئامادەكردنی لیستی موچە.. ’’فەرمانبەر هەیە پارەی بەنزینی پێ نییە’’

ناس كورد-

بەرپرسێکى پەروەردە دەڵێت، بۆ ئامادەکردنى لیستى موچە چوار جار پێیان وتراوە گۆڕانکاریی بکەن، فەرمانبەر هەیە پارەى بەنزینى پێ نەبووە تا بچێتە فەرمانگەکەى بۆ ئەوەى لیستى موچە ئامادە بکات.

 

 

م. نەبیل حەمە ساڵح، لێپرسراوى خۆییەكان لەپەروەردەى شارەزوور لە نوسینێكدا لەهەژماری خۆی كە  "ناس كورد" دیویەتی، دەڵێت سەرەتا پێیانوتراوە لیستى موچەى مانگى چوار ئامادە بکرێت بە تەواوەتی، دواتر وتویانە بیکەن بەلێبڕینى 21% و دواتریش وتوویانە بیکەن بە لێبڕینى 18%.

 

ئاماژەى بەوەشکردووە "لە ئێستاشدا دەڵێن لیستى مانگەکانى (4 ،5، 6،7،8) ببەستن بە تەواوەتی و لیستى مانگى 9 بەلێبڕینى 18%ەوە".

 

نەبیل حەمە ساڵح دەڵێت، "فەرمانبەرمان هەبووە پارەی بەنزینی پێ نەبووە، بە تەکلیف هاتووە بۆ ئەوەی لیستی موچە ببەسترێت و ئەو تۆزە موچەیەی قەرارە بدرێت وەرگیرێت".

دواكەوتنی موچە لە هەرێمی كوردستان نزیك بووەتەوە لە دوو مانگ و بەم هۆیەشەوە مامۆستایانی سنوری پارێزگای سلێمانی بایكۆتی دەوامیان راگەیاندووە لەگەڵ دیوانی پەروەردەكان. 

 

Image may contain: 3 people, people sitting, office, screen, table and indoorImage may contain: 1 person, sitting and indoor