گه‌ڕان

Shadow Shadow
سیاسه‌تی

دەست بە جێبەجێكردنی 67 پڕۆژە دەكرێت ’بەهۆی رۆتینەوە دواكەوتوون’

2020.10.13 - 15:31
دەست بە جێبەجێكردنی 67 پڕۆژە دەكرێت ’بەهۆی رۆتینەوە دواكەوتوون’

ناس كورد-

سەرۆكی دەستەی وەبەرھێنان لە ھەرێمی كوردستان ئاشكرایكرد، 67 پڕۆژەیان لە ھەرێمی كوردستان راگەیاندووە و بڕیارە بەپەلە دەست بە جێبەجێكردنیان بكرێت، چونكە چەند ساڵێكە بە ھۆی رۆتینەوە جێبەجێ نەكراون.

 

د. محەمەد شوكری، سەرۆكی دەستەكە، (13ى تشرینى یەکەمى 2020) بە میدیای رەسمی پارتی رایگەیاند كە نوسراویان بۆ سەرجەم بەڕێوەبەرایەتییەكانیان كردوە كە پەلە بكەن لە مۆڵەتدان بەو كەسانەی ئەو 67 پڕۆژەیە ئەنجام دەدەن تا بە زووترین كات پڕۆژەكان بكەونە كار.

 

بەگوێرەى قسەی سەرۆكی دەستەكە ئەو پڕۆژانە ئەوانەن كە دەبوو لە ساڵی 2017 ئەنجام بدرێن و بە ھۆی رۆتینەوە دواكەوتوون، "بۆیە ئێستا دەمانەوێت بەپەلە ئەنجامیان بدەین".

 

وتیشی، پڕۆژەكان زیاتر پیشەسازی و كشتوكاڵی و تەندروستین و بڕیارە كۆمەڵێك وەبەرھێنەر ئەنجامیان بدەن.