گه‌ڕان

Shadow Shadow
سیاسه‌تی

ڕوونكردنەوەی وەزارەتی بەرگری لەبارەی كوژرانی ئەفسەرێكی پلەباڵا لە دیالە

2020.10.12 - 14:08
App store icon Play store icon Play store icon
ڕوونكردنەوەی وەزارەتی بەرگری لەبارەی كوژرانی ئەفسەرێكی پلەباڵا لە دیالە

ناس کورد-

وەزارەتی بەرگریی عێراق ڕوونكردنەوە لەبارەی كوژرانی ئەفسەرێكی پلەباڵا لە پارێزگای دیالە دەدات کە لەلایەن ئەفسەرێكی دیكەوە كوژراوە.

کەناڵی ناس کورد لە تێلیگرام جۆین بکە   

 

وەزارەتەكە لە راگەیەندراوێكدا (دووشەمە 12ی تشرینی یەکەمی 2020) رایگەیاند، ڕووداوەكەی نێو "یەكەی مەشقی كەركوش" لە نزیك قەزای بەلەدروز لە پارێزگای دیالە، دوای ئەوە هاتووە كە دەمەقاڵێ و شەڕ لەنێوان عەمید روكن، عەدنان خەڵەف وەكاع، فەرمانداری یەكەكە و عەقید، وائیل خەلیل ئیبراهیمی یاریدەدەریدا دروست بووە لەكاتی كاركردندا.

 

ئاماژەی بەوەشكردووە، دواتر دەمەقاڵێكە گۆڕاوە بۆ بەكارهێنانی چەك و عەقید وائیل خەلیل ئیبراهیم تەقەی لە فەرمانداری یەکەکە كردووە و ئەوەش بووەتە هۆی گیانلەدەستدانی.

 

ئەوەش هاتووە: " دواتریش هەوڵیداوە خۆیش بکوژێت، تەقەی لەخۆی كردووە، بەڵام گیانیلەدەستنەداوە و بەسەختی برینداربووە و گوازراوەتەوە بۆ نەخۆشخانە.

 

وەزارەتەكە جەختی كردووەتەوە، لیژنەیەكی لێكۆڵینەوە رەوانە كراوە بۆ لێكۆڵینەوە لە وردەكاری ڕووداوەكە.

 

پێشتر سەرچاوەیەکى ئەمنی لەشارى دیالە بەناس کوردى ڕاگەیاند: "ئەفسەرێکى باڵا بەپلەى عەقید هەستاوە بەکوشتنى ئەفسەرێکى پلە باڵاتر کە پلەکەى عەمید ڕوکنە و فەرماندارى یەکەیەکى مەشق و ڕاهێنانى کەرکوش بووە لە شارۆچکەى بەلەدروسى خۆرهەڵاتى شارى دیالە و ڕوداوەکەش لەناو بارەگاکەى خۆیدا بووە."

 

 

 

ئاماژەى بۆ ئەوەش کرد: " دواى کوشتنى عەمید ڕوکنەکە، عەقیدەکە هەوڵى خۆکوشتنى خۆیداوە و فیشەکێکى ناوە بەسەریەوە و دواتر بەبریندارى گەیەنراوەتە نەخۆشخانەى ناوچەکە"